Іаіль Труцэвіч

Іаіль Труцэвіч (? — 1654) — беларускі грамадскі і культурны дзеяч, друкар, пісьменнік.

Іаіль Труцэвіч
Асабістыя звесткі
Месца нараджэння	Магілёў, Аршанскі павет, Віцебскае ваяводства, Вялікае Княства Літоўскае, Рэч Паспалітая
Дата смерці	1654
Грамадзянства	Вялікае Княства Літоўскае
Прафесійная дзейнасць
Род дзейнасці	пісьменнік
Творы ў Вікікрыніцах

Біяграфія

Нарадзіўся і правёў дзяцінства і юнацтва, відаць, у Магілёве, дзе, магчыма, атрымаў і адукацыю. У 2-ой чвэрці XVII стагоддзя ён быў членам Магілёўскага Богаяўленскага брацтва і ўдзельнічаў у яго рэлігійнай і асветніцкай дзейнасці як ігумен Куцеінскага Богаяўленскага манастыра (Орша). У Магілёве, верагодна, пазнаёміўся з беларускім друкаром і асветнікам Спірыдонам Собалем.

У пачатку 1630-х гадоў прымаў удзел у заснаванні Куцеінскай друкарні, з сярэдзіны 1630х гадоў стаў яе кіраўніком. Тут было надрукавана 14 кніг, прызначаных для брацтваў, літургій, свецкага чытання. Распраўсюджваліся гэтыя кнігі таксама на Украіне, у Літве, Расіі. Да большасці нелітургічных выданняў Іаіль напісаў прадмовы на беларускай і царкоўнаславянскай мовах. Пад яго рэдакцыяй выйшлі «Лексіконь славенаросскій, імён толькованіе» П.Бярынды (1653), «Трефологіонь» (1647) і інш. Ён быў прыхільнікам грамадскапалітычных і культурных сувязей з Княствам Маскоўскім. У час вайны Расіі з Рэччу Паспалітай 1654—67 гг. Труцэвіч садзейнічаў добраахвотнай здачы Магілёва рускім войскам (1654). Памёр падчас перавозу Куцеінскай друкарні ў Іверскі Валдайскі манастыр (пад Вялікім Ноўгарадам).