Іосіф Барысавіч Ліўшыц

Іосіф Барысавіч Ліўшыц (28 верасня 1936, Мінск — 28 кастрычніка 1991) — беларускі эндакрынолаг, доктар медыцынскіх навук, прафесар.

Іосіф Барысавіч Ліўшыц
Дата нараджэння	28 верасня 1936(1936-09-28)
Месца нараджэння	Менск, БССР, СССР
Дата смерці	28 кастрычніка 1991(1991-10-28) (55 гадоў)
Род дзейнасці	урач, эндакрынолаг, выкладчык універсітэта
Месца працы	ІПКіПКАЗ
Навуковая ступень	доктар медыцынскіх навук (1985)
Навуковае званне	прафесар (1988)
Альма-матар	Мінскі медыцынскі інстытут (1960)

Біяграфія

Нарадзіўся ў сям’і служачых-урачоў. Скончыў Мінскі медыцынскі інстытут (1960). Працаваў урачом Смалявіцкай раённай бальніцы (1960—1963), ардынатарам Мінскай 1-й гарадской клінічнай бальніцы (1963—1965); вучыўся ў аспірантуры інстытута ядзернай энергетыкі АН БССР (1965—1968), затым працаваў малодшым навуковым супрацоўнікам таго ж інстытута (1968—1970), малодшым навуковым супрацоўнікам, старшым навуковым супрацоўнікам, загадчыкам аддзела ЦНДЛ БелДІУУ (1971—1991).

Навуковая дзейнасць

Кандыдат медыцынскіх навук (1968), доктар медыцынскіх навук (1985), прафесар (1988). Напрамкі навуковых даследаванняў ахопліваюць гарманальна-біяхімічныя працэсы, шырокі спектр гармонаў і клетачных пасрэднікаў іх дзеяння — нуклеатыдаў і простагландынаў. Аўтар 159 навуковых прац, у тым ліку 2 манаграфій (у суаўтарстве), аднаго вынаходніцтва і 12 рацыяналізатарскіх прапаноў.

Літаратура

• БЭ ў 18 тамах., Т.9. Мн., 1999, С.319
• Руководители, заведующие кафедрами, профессора и доктора наук Белорусской медицинской академии последипломного образования (1931—2006). — Минск, 2006
• Ліўшыц Іосіф Барысавіч // Памяць : Мінск : гісторыка-дакументальныя хронікі гарадоў і раёнаў Беларусі : [у 5 кн.]. — Мінск, 2007. — Кн. 5, ч. 2. — С. 498