Ігар Васілевіч Тапілін
Ігар Васілевіч Тапі́лін[1] (руск.: Игорь Васильевич Топилин; нар. 22 ліпеня 1947, г. Краснадар, Расія) — беларускі мастак-пастаноўшчык і жывапісец.
| Ігар Васілевіч Тапілін | |
|---|---|
| руск.: Игорь Васильевич Топилин | |
| Дата нараджэння | 22 ліпеня 1947 (76 гадоў) |
| Месца нараджэння | |
| Грамадзянства | |
| Род дзейнасці | мастак, сцэнограф |
| Вучоба | |
| Уплыў | Юрый Іванавіч Піменаў і Іосіф Шпінель[d] |
| Член у | |
Біяграфія правіць
Скончыў у 1973 годзе Усесаюзны дзяржаўны інстытут кінематаграфіі ў Маскве. Вучыўся ў Ю. Піменава, І. Шпінеля. Удзельнік мастацкіх выставак з 1973 года. З 1973 года мастак-пастаноўшчык кінастудыі «Беларусьфільм», працуе таксама ў жывапісе[2].
Член Беларускага саюза мастакоў з 1993 года. Член Саюза кінематаграфістаў з 1983 года. Жыве ў горадзе Мінску[2].
Творчасць правіць
Асноўныя фільмы: «Пра чырвоную шапачку» (1975), «Прышліце тэлеграму ў доўг» (1976), «П’едэстал»[2], «Чалавек, які браў інтэрв’ю»[1] (1986), «Маці ўрагану» (1994), «Сівая легенда» (1995), «Маскоўская сувязь», «Супермозг», «Кааператыў „Паліт-бюро“» (1996), «На чыгунцы», «Бабін Яр» (2001); жывапісныя палотны «Нацюрморт» (1991), «Парк» (1993), «Трафарэты» (1995), «Пасьянс» і «Юдзіф і Алаферн» (абедзве 1997), «Адпачынаю» (1998), «Правінцыяльны горад» (2000)[1], «Горад», «Вячэра з маскай», «Бакал», «Тэатр», «Грамадзяне горада», «У парку»[2].
Творы знаходзяцца ў Нацыянальным мастацкім музеі Беларусі, фондах БСМ і Міністэрства культуры Расіі[2].
Зноскі
- ↑ а б в БелЭн 2002.
- ↑ а б в г д Тапілін Ігар Васільевіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.
Літаратура правіць
- Тапі́лін Ігар Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 430. — 10 000 экз. — ISBN 985-11-0035-8. — ISBN 985-11-0251-2 (т. 15).
- Тапілін Ігар Васільевіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.