Агрэгат (петраграфія)

Агрэга́т (ад лац.: aggregatus — далучаны) — у петраграфіі — сукупнасць мінеральных зерняў ці іх зросткаў, якія ўтвараюць горныя пароды, руды, друзы і інш. Бывае просты — з аднаго мінералу (напрыклад, мармур, кварцыт) і складаны — з некалькіх мінералаў (напрыклад, граніт, сіеніт). Адрозніваюць агрэгаты цэментаваныя, рыхлыя, зямлістыя, порыстыя, шчыльныя і інш.