Акраліт

Акраліт (стар.-грэч.: ἄκρος — крайні і λίθος — камень) — змяшаная тэхніка, якая выкарыстоўвалася ў антычнай скульптуры, пры якой аголеныя часткі статуі вырабляліся з мармуру, а адзенне — з размаляванага ці пазалочанага дрэва. Тулава (асноўны схаваны каркас статуі) таксама магло быць драўляным.

«Антыной з вілы Мандрагонэ» быў адноўлены акралітычным метадам: галава з мармуру і бюст з драўніны

Тэхніка часта выкарыстоўвалася для каласальных статуй, значна памяншаючы расходы на іх узвядзенне. Да нашых дзён ад падобных статуй дайшлі галоўным чынам толькі мармуровыя фрагменты, паколькі драўляныя часткі з часам згнілі, а бронза звычайна канфіскоўвалася паляўнічымі за каляровымі металамі ў Цёмнае Сярэднявечча.

Вядомыя статуі

• Афіна Арэя (Платэі)
• Антыной Мандрагонэ
• Калос Канстанціна
• Гера Фарнезэ

Скульптары

• Дамафон — ствараў статуі для свяцілішчаў гарадоў Пелапанеса, у тым ліку Месены, Эгія і Мегалопаля.

Гл. таксама

• Хрысаэлефанцінная скульптура (золата+слановая косць)

Спасылкі

• Акролиѳъ // Энциклопедический словарь, составленный русскими учеными и литераторами. Том II / П. Л. Лавров. — СПб.: Тип. И. И. Глазунова и Комп., 1862. — С. 384.
• Акролиты // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.