Алеся Кіпель
Алеся Аляксандра Кіпель (4 студзеня 1957, Балтымар, штат Мэрылэнд, ЗША) — беларуска-амерыканскі грамадскі дзеяч, юрыст.
| Алеся Кіпель | |
|---|---|
| Нараджэнне |
4 студзеня 1957 (67 гадоў) |
| Бацька | Вітаўт Кіпель |
| Маці | Зора Кіпель |
| Адукацыя | |
Біяграфія правіць
Нарадзілася 4 студзеня 1957 года ў Балтымары (ЗША) ў сям’і грамадскіх дзеячаў i даследчыкаў беларускага замежжа Вітаўта i Зоры Кіпеляў.
Скончыла Прынстанскі ўніверсітэт i юрыдычны факультэт Джорджтаўнскага ўніверсітэта. З’яўлялася партёркай юрыдычнай фірмы Steptoe & Johnson, працавала ў Міністэрстве ўнутраных спраў ЗША. Займае пасаду выканаўчага дырэктара ў Офісе па міжнародным гандлі Дэпартамента ЗША па нацыянальнай бяспецы.
Бярэ актыўны ўдзел у беларускім грамадскім жыцці ЗША. У 1980-1990-х гадах з’яўлялася афіцыйнай прадстаўніцай Галоўнай Управы Беларуска-амерыканскага Задзіночання (БАЗА) у Вашынгтоне. З моманту стварэння Вашынгтонскага гуртка БАЗА ў 2007 годзе выконвала абавязкі намесніцы старшыні i старшыні арганізацыі. З’яўлялася сябрам Галоўнай Управы БАЗА, афіцыйнай прадстаўніцай БАЗА ва Усходне- і Цэнтральна-Eўрапейскай Кааліцыі (CEEC). У 2013 годзе прадстаўляла БАЗА на VI З’ездзе беларусаў свету ў Мінску, дзе была абрана ў Вялікую Раду Згуртавання беларусаў свету «Бацькаўшчына». Да лютага 2017 года займала пасаду намесніцы старшыні Вашынгтонскага аддзела БАЗА.