Алеся (альбом)

«Але́ся» (гэта неафіцыйная назва альбома, па назве першай песні на ім) — другі студыйны альбом беларускага вакальна-інструментальнага ансамбля «Песняры», які быў выдадзены на вінілавай кружэлцы фірмай «Мелодия» ў 1974 годзе.

Алеся (альбом)
музычны альбом Песняры
Дата выпуску	1974
Жанр	фолк-рок і софт-рок[d]
Прафесійныя рэцэнзіі
Experty.by

Спіс кампазіцый

Бок 1
№	Назва	Словы	Музыка	Вакал	Працягласць
1.	«Алеся»	Аркадзь Куляшоў	Ігар Лучанок	Леанід Барткевіч	4:21
2.	«Нашто бабе агарод»	Янка Купала	Аляксей Туранкоў		2:08
3.	«Спадчына»	Янка Купала	Ігар Лучанок	Анатоль Кашапараў	4:23
4.	«І туды гара, і сюды гара»	народныя	народная		2:53
5.	«Завушніцы»	Максім Танк	Уладзімір Мулявін	Уладзімір Мулявін	4:58

Бок 2
№	Назва	Словы	Музыка	Вакал	Працягласць
1.	«Каханне»	Якуб Колас	Уладзімір Мулявін, Ігар Лучанок	Уладзімір Мулявін	3:47
2.	«Чорныя вочы»	Янка Купала	В. Зінкевіч	Леанід Барткевіч	4:35
3.	«Стаіць вярба»	народныя	народная		4:43
4.	«Ружы цвет»	Іосіф Скурко	Уладзімір Мулявін	Анатоль Кашапараў	3:23
5.	«Хлопец пашаньку пахае»	народныя	народная		3:19

Удзельнікі запісу

• Уладзімір Мулявін
• Леанід Барткевіч
• Анатоль Кашапараў

Крытыка

Паводле меркавання музычнага крытыка Зміцера Падбярэзскага, другі альбом калектыву ўяўляе сабой працяг і развіццё прынцыпаў, закладзеных у дэбютным дыску:

Нельга не адзначыць, што «Песьняры» дэманструюць тут больш багатае, шырокае гучаньне, шмат у чым дзякуючы таму, што дадаліся новыя інструмэнты, у тым ліку струнныя, а гучаньне духавых набыло асэнсаванасьць. Зміцер Падбярэзскі

Паводле меркавання музычнага журналіста Сяргея Будкіна:

У шэрагу нумароў «Песьняры» пайшлі куды далей, чым у першым сваім запісе. Самай сьмелай (і падаецца, што недаацэненай) падаецца псыхадэлічная «Ружы цвет», што папросту здольная сарваць дах, а канцоўка «Завушніц» падаецца адным з самых смачных музычных кавалкаў з тых, што даводзілася чуць. Сяргей Будкін

Спасылкі

• Альбом на афіцыйным сайце ВІА «Песняры»