Альфонса Гарсія Роблес

Альфонса Гарсія Роблес (20 сакавіка 1911, Самора, Мічаакан, Мексіканскія Злучаныя Штаты — 2 верасня 1991, Мехіка, Мексіканскія Злучаныя Штаты) — мексіканскі палітычны дзеяч, міністр замежных спраў Мексікі (1975—1976), лаўрэат Нобелеўскай прэміі міру (1982) сумесна з Альвай Мюрдаль.

Альфонса Гарсія Роблес
ісп.: Alfonso García Robles
Міністр замежных спраў Мексікі 29 снежня 1975 — 30 лістапада 1976
Прэзідэнт	Луіс Эчэверыа
Папярэднік	Эміліа Рабаса
Пераемнік	Сант'яга Раэль
Нараджэнне	20 сакавіка 1911(1911-03-20)[…] Самора-дэ-Ідальга[d], муніцыпалітэт Самора[d], Мічаакан, Мексіка
Смерць	2 верасня 1991(1991-09-02)[…] (80 гадоў) Мехіка, Мексіка
Месца пахавання	Spanish Cemetery[d]
Імя пры нараджэнні	ісп.: Alfonso García Robles
Бацька	Кірына Гарсія Роблес
Маці	Тэрэза Гарсія Роблес
Жонка	Хуана Марыя Сісла Вальдэламар
Дзеці	сыны Альфонса і Фернанда
Член у	Colegio Nacional[d]
Адукацыя	Нацыянальны аўтаномны ўніверсітэт Мексікі
Дзейнасць	дыпламат, пісьменнік, адвакат, палітык
Навуковая дзейнасць
Навуковая сфера	фізіка
Месца працы	Арганізацыя Аб’яднаных Нацый
Аўтограф
Узнагароды	Нобелеўская прэмія міру (1982)
Медыяфайлы на Вікісховішчы

Біяграфія

У 1933 г. скончыў юрыдычны факультэт Нацыянальнага ўніверсітэта ў Мехіка, працягнуў адукацыю ў Парыжы і ў Акадэміі міжнароднага права ў Гаазе (1938).

У 1941 г. прызначаны кіраўніком дэпартамента міжнародных арганізацый, а затым генеральным дырэктарам палітычнай і дыпламатычнай службы.

У 1945—1952 гг. — Пастаянны прадстаўнік Мексікі ў ААН,

ў 1952—1957 гг. — У сакратарыяце ААН у Нью-Ёрку, з'яўляўся дырэктарам палітычнага аддзялення.

У 1957—1962 гг. — Начальнік дэпартамента Еўропы, Азіі і Афрыкі МЗС Мексікі. Прымаў актыўны ўдзел у працы канферэнцый па марскім праве 1958 і 1960 гг.

У 1962—1964 гг. — Пасол у Бразіліі.

У 1964—1970 гг. — Намеснік міністра замежных спраў, гуляў адну з ключавых роляў у падпісанні ў лютым 1967 г. дамовы аб забароне ядзернай зброі ў Лацінскай Амерыцы, (Дагавор Тлатэлолька), падпісаны прадстаўнікамі 14 краін, пазней да яго далучыліся яшчэ 10 дзяржаў. У 1967 г. узначаліў мексіканскую дэлегацыю на Жэнеўскай канферэнцыі ААН па раззбраенні, дзе сумесна з Альвай Мюрдаль прымаў актыўны ўдзел у распрацоўцы Дагавора аб нераспаўсюджванні ядзернай зброі 1968 г., удзельнікамі якога сталі 115 краін свету.

У 1970—1975 гг. — Прадстаўнік Мексікі ў ААН.

У 1975—1976 гг. — Міністр замежных спраў Мексікі, старшыня «групы 77» ў ААН (1974—1975).

У 1985 г. абраны старшынёй Камітэта ААН па раззбраенні.