Аляксей Віктаравіч Мартынюк

Аляксей Віктаравіч Мартынюк (нар. 8 мая 1972, Мінск) — беларускі гісторык. Спецыяліст па гісторыі палітычных узаемаадносін і культурных кантактаў Усходняй Еўропы з Аўстрыяй у XIII—XVI стагоддзях, па візуальных крыніцах XIII—XVI стагоддзяў. Доктар гістарычных навук (2021), дацэнт (2005).

Аляксей Віктаравіч Мартынюк
Дата нараджэння	8 мая 1972(1972-05-08) (51 год)
Месца нараджэння	Мінск, БССР, СССР
Грамадзянства	Беларусь
Род дзейнасці	гісторык
Месца працы	гістарычны факультэт БДУ Рэспубліканскі інстытут вышэйшай школы Studia Historica Europae Orientalis[d]
Навуковая ступень	доктар гістарычных навук (2021)
Навуковае званне	дацэнт
Альма-матар	гістарычны факультэт БДУ (1997)
Узнагароды	прэмія Міжнароднага Кангрэса даследчыкаў Беларусі (2020)

Біяграфія

Нарадзіўся 8 мая 1972 года ў Мінску.

Скончыў у 1997 годзе гістарычны факультэт БДУ, у 2002 годзе — дактарантуру Рурскага ўніверсітэта (г. Бохум, Германія). У 2002 годзе абараніў кандыдацкую дысертацыю па тэме «Усходнія, заходнееўрапейскія і рускія выяўленчыя крыніцы па гісторыі Мангольскай імперыі і дзяржаў — яе спадкаемцаў у XIII—XVI ст.» (Рурскі ўніверсітэт, г. Бохум, Германія), у 2003 годзе прайшоў настрыфікацыю ў Беларусі.

У 2003—2015 гадах выкладчык-сумяшчальнік на кафедры гісторыі Расіі гістфака БДУ. Пасля працаваў дацэнтам, загадчыкам кафедры гісторыка-культурнай спадчыны Беларусі у Рэспубліканскім інстытуце вышэйшай школы БДУ.

У 2021 годзе абараніў доктарскую дысертацыю па тэме «Аўстрыя і Усходняя Еўропа: станаўленне і развіццё палітычных узаемаадносін і культурных кантактаў (XIII—XV стст.)».

З 2008 года рэдактар і выдавец навуковага зборніка «Studia Historica Europae Orientalis» («Даследаванні па гісторыі Усходняй Еўропы»).

Навуковая дзейнасць

Напрамкі даследаванняў: гісторыя Усходняй Еўропы ў Сярэднявеччы і раннім Новым часе, візуальныя крыніцы, метадалогія гістарычнага даследавання, тэндэнцыі развіцця вышэйшай гуманітарнай адукацыі.

Бібліяграфія

• До Герберштейна: Австрия и Восточная Европа в системе персональных связей и культурных контактов (XIII — начало XVI века). Москва, 2019 (прэмія Міжнароднага Кангрэса даследчыкаў Беларусі, 2020).
• Средневековая Русь. Хрестоматия: в 2 ч. Минск, 2012.
• Die Mongolen im Bild: orientalische, westeuropäische und russische
• Bildquellen zur Geschichte des Mongolischen Weltreiches und seiner
• Nachfolgestaaten im 13.-16. Jahrhundert. Hamburg, 2002.

Удзел у калектыўных працах

• «Книга хроник» Хартмана Шеделя (1493) — энциклопедия Позднего средневековья: с электронным приложением. Минск, 2021.
• ALBA RUSCIA: белорусские земли на перекрестке культур и цивилизаций (X—XVI вв.): [сборник статей]. Москва, 2015.
• Современная российская историография: в 2 ч. Минск, 2009.
• Средневековая Русь в текстах и документах: учебное пособие. Минск, 2005.
• История восточных славян. Монгольское нашествие на Русь: Учебное пособие. Минск, 2003.

Узнагароды

Лаўрэат прэміі Міжнароднага Кангрэса даследчыкаў Беларусі (2020), конкурса 2021 года Вышэйшай атэстацыйнай камісіі Рэспублікі Беларусь на найлепшую доктарскую дысертацыю.

Літаратура

• МАРТЫНЮК Аляксей Віктаравіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.