Аляксей Мітрафанавіч Малашка

Аляксей Мітрафанавіч Мала́шка (нар. 17 сакавіка 1931, в. Замачулле, Бялыніцкі раён, Магілёўская вобласць, БССР, СССР) — беларускі гісторык. Доктар гістарычных навук (1973), прафесар (1975).

Аляксей Мітрафанавіч Малашка
Дата нараджэння	17 сакавіка 1931(1931-03-17) (93 гады)
Месца нараджэння	Замачулле, Бялыніцкі раён, БССР, СССР
Грамадзянства	Беларусь
Род дзейнасці	гісторык
Месца працы	Беларускі дзяржаўны эканамічны ўніверсітэт БДУ Беларускі дзяржаўны тэхналагічны ўніверсітэт
Навуковая ступень	доктар гістарычных навук
Альма-матар	Маскоўскі дзяржаўны завочны педагагічны інстытут[d] (1954)

Біяграфія

Скончыў у 1954 годзе Маскоўскі завочны педагагічны інстытут. З 1960 года ў Беларускім інстытуце народнай гаспадаркі, з 1961 года ў БДУ, з 1973 годзе ў Інстытуце павышэння кваліфікацыі пры БДУ. З 1975 года ў Беларускім тэхналагічным універсітэце, у 1973—1991 гадах загадчык кафедры гісторыі КПСС.

Навуковая дзейнасць

Даследуе палітычную гісторыю Расіі і Беларусі ў 1917—1925, гісторыю палітычных партый, нацыянальных меншасцей на тэрыторыі Беларусі. Адзін з аўтараў кніг «Рашэнні XXII з'езда КПСС — разгорнутая праграма пабудовы камунізму» (1962), «Курс лекцый па гісторыі КПСС» (ч. 1, 1971, 2-е выд. 1975), «Гісторыя КПСС: структурна-лагічныя схемы» (ч. 1, 1986), вучэбна-метадычных дапаможнікаў па гісторыі і культуры Беларусі.

Творы

• К вопросу об оформлении однопартийной системы в СССР. Мн., 1969;
• Воинствующий национализм — идеология и политика империализма. Мн., 1971.

Літаратура

• Малашка Аляксей Мітрафанавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).