Аляпка

Аляпка, таксама Вадзяны верабей (Cinclus cinclus) — птушка атрада вераб'іных.

Аляпка
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя Падатрад:  Пеўчыя вераб’іныя Інфраатрад:  Passerida Надсямейства:  Muscicapoidea Сямейства:  Аляпкавыя (Cinclidae) Род:  Аляпкі (Cinclus Borkhausen, 1797) Від:  Аляпка
Міжнародная навуковая назва
Cinclus cinclus (Linnaeus, 1758)
Падвіды
Гл. тэкст
Арэал
Ахоўны статус
Выклікаюць найменшыя асцярогі IUCN 3.1 Least Concern : / 22708156
Сістэматыка на Віківідах Выявы на Вікісховішчы ITIS   559287 NCBI   127875 EOL   790179 FW   368992

Апісанне

Птушка памерам са шпака. Даўжыня цела 19-20 см, маса 50-70 г. Галава і шыя зверху бурыя, спіна і хвост буравата-шэрыя, горла, валляк і грудзі белыя. Хвост кароткі, крылы акруглыя, апярэнне шчыльнае. Апярэнне густое, не мокне ад вады.

Пашырэнне

Арэал разарваны. Пашырэнне: Еўразія, Паўднёва-Заходняя Афрыка. Тэрыторыя Беларусі ў межах арэала віду.

Аселы від. Паўночныя папуляцыi часткова вандроўныя.

Асаблівасці біялогіі

Сілкуецца воднымі насякомымі і рачкамі, якіх аляпка збірае на плыткаводдзе, паміж камянёў і пад вадой. Галоўнай асаблівасцю з'яўляюцца здольнасць добра плаваць і ныраць. Прыўздымаючы крылы і спрытна манеўруючы ў струмені вады, птушка быццам «бяжыць» па дне. Пад вадой аляпка можа заставацца да 50 с, прабягаючы за гэты час да 20 м.

Гняздо аляпка ладзіць заўсёды паблізу вады, паміж берагавымі камянямі або ў норах, з моху і сцяблінак травы. Яйкі выседжвае толькі самка, але выкормліваюць птушанят на працягу 20-25 дзён абодва бацькі.

Літаратура

• Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X