Амфібаліт

Амфібаліт — метамарфічная горная парода, галоўнай складовай часткай якой з'яўляюцца рагавая падманка і плагіяклаз.

Амфібаліт (Італія)

Уласцівасці і паходжанне

Амфібаліт часцей за ўсё бывае крышталічны-крупчасты зялёнага колеру. Утвараецца ў глыбінных метамарфічных катазоне і мезазоне з базальту, габро, мергелістых глін з малой колькасцю вапны, перыдататаў.

Мінеральны склад у працэнтах: амфіболы — 40; піраксены — 10; плагіяклаз — 40; мінералы-прымешкі — аўгіт, хларыт, гранат, дыяпсід, кварц, рудныя мінералы (ільменіт, магнетыт).

Літаратура

• Геаграфія ў тэрмінах і паняццях. Энцыклапедычны даведнік. Мн.: Беларуская энцыклапедыя, 2003. — С.22

Спасылкі

• Амфиболит // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Амфібаліт у каталогу мінералаў
• Амфібаліт на сайце «Усё пра геалогію»