Арганы Беларусі
«Арга́ны Белару́сі. The organs of Belarus» — энцыклапедычны даведнік, выдадзены ў 2018 годзе, які змяшчае інфармацыю аб 123 арганах, што захаваліся на тэрыторыі Беларусі.
| Арганы Беларусі. The organs of Belarus | |
|---|---|
| Жанр | энцыклапедыя |
| Серыя | Энцыклапедыя рарытэтаў |
| Выдавецтва | Беларуская Энцыклапедыя імя Петруся Броўкі |
| Выпуск | 2018 |
| Старонак | 368 |
| ISBN | 978-985-11-1068-7 |
Анатацыя правіць
Арганы — гучныя сведкі беларускай гісторыі. Змяняліся эпохі, адбываліся лёсавызначальныя падзеі ў жыцці краіны, а гукі аргана працягвалі напаўняць душы беларусаў вялікай духоўнасцю, падштурхоўвалі задумацца аб спрадвечных каштоўнасцях чалавечага жыцця. У багатай музычнай скарбонцы беларусаў — імёны выдатных арганістаў і кампазітараў, арганных майстроў, тых, хто прысвяціў сябе служэнню «каралю музычных інструментаў». У багата ілюстраваным выданні «Арганы Беларусі» змешчана інфармацыя аб 123 арганах, што захаваліся на тэрыторыі нашай краіны, і майстрах, якія іх стваралі, прыводзяцца тэхнічныя характарыстыкі кожнага інструмента. Кніга таксама расказвае пра гісторыю развіцця арганнай культуры на тэрыторыі Беларусі, творцаў арганнай музыкі, сучаснае развіццё арганнага выканальніцкага мастацтва.[1][2]
Зноскі правіць
- ↑ Арганы Беларусі 2018.
- ↑ «Арганы Беларусі. The organs of Belarus» (Серыя “Энцыклапедыя рарытэтаў”) (руск.)(недаступная спасылка). Сайт выдавецтва «Беларуская Энцыклапедыя імя Петруся Броўкі». Архівавана з першакрыніцы 19 жніўня 2018. Праверана 20 жніўня 2018.
Літаратура правіць
- Арганы Беларусі. The organs of Belarus / Склад. А.У. Бурдзялёў. — Беларуская Энцыклапедыя імя Петруся Броўкі, 2018. — 368 с. — (Энцыклапедыя рарытэтаў). — 700 экз. — ISBN 978-985-11-1068-7.