Артур Паўлавіч Вадэр

Артур Паўлавіч Вадэр
Артур Паўлавіч Вадэр
	эст.: Artur Vader
	22 снежня 1970 — 25 мая 1978
Папярэднік	Аляксандр Янавіч Ансберг, в. а..
Пераемнік	Мета Вільямаўна Янгаленка-Ванас, в. а..
Нараджэнне	16 лютага 1920; Горбава 1
Смерць	25 мая 1978 (58 гадоў); Талін, Эстонія
Месца пахавання	Лясныя могілкі;
Нацыянальнасць	Эстонец
Партыя	КПСС
Член у	ЦК КПСС;
Адукацыя	Вышэйшая партыйная школа пры ЦК КПСС
Дзейнасць	палітык
Прыналежнасць	СССР
Бітвы	Вялікая Айчынная вайна;

Артур Паўлавіч Вадэр (16 лютага 1920, вёска Горбава, цяпер Лёзненскі раён, Віцебская вобласць — 25 мая 1978, Талін) — эстонскі савецкі дзяржаўны і партыйны дзеяч, кандыдат гістарычных навук (1972). Член КПСС з 1943. Старшыня Прэзідыума Вярхоўнага Савета ЭССР (1970—1978).

Біяграфія правіць

Нарадзіўся 16 лютага 1920 года ў вёсцы Горбава (цяпер Лёзненскі раён, Віцебская вобласць) у сям’і эстонскага селяніна. Скончыў ВПШ пры ЦК КПСС (1954, завочна). З 1937 года на педагагічнай і камсамольскай рабоце. У 1941—42 гадах у Савецкай Арміі, удзельнік Вялікай Айчыннай вайны. З 1943 года на адміністрацыйна-педагагічнай, з 1948 года — на партыйнай рабоце.

У 1948 годзе накіраваны на партыйную працу ў Эстонію. У 1952—59 гадах — сакратар Талінскага гаркама КП Эстоніі. У 1959—63 гадах у апараце ЦК КПСС. У 1963—64 гадах — старшыня Камітэта партыйна-дзяржаўнага кантролю ЦК КП Эстоніі пры Савеце Міністраў Эстонскай ССР, сакратар ЦК КП Эстоніі і намеснік старшыні Савета Міністраў Эстонскай ССР. У 1964—70 2-і сакратар ЦК КП Эстоніі. З 1970 года — старшыня Прэзідыума Вярхоўнага Савета Эстонскай ССР, намеснік старшыні Прэзідыума Вярхоўнага Савета СССР (з 1971). Кандыдат у члены ЦК КПСС у 1966—71 гадах. Член ЦК КПСС з 1971 года. Дэпутат Вярхоўнага Савета СССР 6—9-га скліканняў. Узнагароджаны ордэнам Леніна, ордэнам Кастрычніцкай Рэвалюцыі, трыма іншымі ордэнамі, а таксама медалямі.

Памёр 25 мая 1978 года ў Таліне.

Зноскі

Спасылкі правіць

Вадэр Артур Паўлавіч