Астранамічны гадзіннік

Астранамічны гадзіннік — механічны гістарычны гадзіннік, які акрамя часу паказвае таксама месцазнаходжанне астранамічных аб'ектаў (Сонца, Месяца) у знаках Задыяку, фазы Месяца і інш.

Найстарэйшым астранамічным гадзіннікам з'яўляецца гадзіннік Астрарыум, які быў зроблены ў 1344 годзе Джавані дэ Дондзі і размяшчаўся на палацы Капетаната ў Падуі, аднак ён быў разбураны яшчэ ў 1390 годзе. Вельмі старым з'яўляецца гадзіннік Страсбургскага сабора, зроблены першапачаткова таксама ў XIV стагоддзі і перабудаваны ў другой палове XVI. Сярод найстарэйшых гадзіннікаў–астралябій найбольшую вядомасць набылі Пражскі і Бернскі астранамічныя гадзіннікі. Гэты тып гадзіннікаў шырока распаўсюджаны ў шэрагу краін Еўропы: Францыі, Англіі, Італіі, Чэхіі, Германіі (на поўначы краіны — у былых ганзэйскіх, на поўдні — у былых імперскіх гарадах), а таксама ў Швецыі, Бельгіі, і ў некаторых іншых краінах.

Галерэя правіць

Астранамічны гадзіннік Лундскага сабора, Лунд, Швецыя
Астранамічны гадзіннік Гайльбронскай ратушы, Германія
Астранамічны гадзіннік у Эслінгене-на-Некары, Германія
Гадзіннік–астралябія ў саборы Мюнстэра, Германія
Гадзіннік–астралябія на Гадзіннікавай вежы ў Берне, Швейцарыя
Астранамічны гадзіннік у Страсбургскім саборы, Страсбург, Францыя
Астранамічны гадзіннік у Безансоне, Францыя
Астранамічны гадзіннік у Мантуі, Італія

Спасылкі правіць

На Вікісховішчы ёсць медыяфайлы па тэме Астранамічны гадзіннік