Ахова здароўя
Ахо́ва здаро́ўя — галіна дзейнасці дзяржавы, мэтай якой з'яўляецца арганізацыя і забеспячэнне даступнага медыцынскага абслугоўвання насельніцтва, захаванне і павышэнне яго ўзроўня здароўя[1].
Уяўляе сабой сукупнасць мер палітычнага, эканамічнага, сацыяльнага, прававога, навуковага, медыцынскага, санітарна-гігіенічнага, супрацьэпідэмічнага і культурнага характару, накіраваных на захаванне і ўмацаванне фізічнага і псіхічнага здароўя кожнага чалавека, падтрыманне яго шматгадовага актыўнага жыцця, падаванне яму медыцынскай дапамогі ў выпадку пагаршэння здароўя. Для ажыццяўлення гэтых мер ствараюцца адмысловыя сацыяльныя інстытуты.