Аўгуст Касакоўскі
Аўгуст Касакоўскі (1737 — 1803) — віленскі архітэктар, які таксама працаваў і на беларускіх землях.
| Аўгуст Касакоўскі | |
|---|---|
| Дата нараджэння | 1737 |
| Дата смерці | 1803 |
| Грамадзянства | |
| Працы і дасягненні | |
| Працаваў у гарадах | Вільня, Валожын |
| Найважнейшыя пабудовы | Палац Тышкевічаў у Валожыне |
Вучыўся ў віленскай архітэктурнай школе і Парыжы. У 1772 годзе вярнуўся ў Вільню, жыў з манахамі-францысканцамі ў 1776—1779 і 1789—1803 гадах.
Пачынаў працу ў стылі яркага барока, але з часам прыйшоў да класіцызму з дамінаваннем цвёрдых класічных формаў.
Праекты правіць
У 1767 годзе прыняў удзел у будаўніцтве касцёла Святога Міхаіла Арханёла ў Шумскасе па праекце архітэктара Т. Руселіса.
Каля 1780 года займаўся перабудовай дома віленскага хірурга Сандэкіа (літ.: Sondeckio), які стаяў на вуліцы Дзіджоі і быў разбураны ў час Другой Сусветнай вайны.
У 1781—1783 гадах стварыў праект касцёла Святых Станіслава і Францыска Асізскага ў Папарчэі.
У 1781—1824 гадах будаваў касцёл Адведзін Найсвяцейшай Дзевы Марыі ў Кальварыі Жамойцкай.
У 1782—1806 гадах пабудаваў Палац Тышкевічаў у Валожыне[1].
У 1783—1790 гадах працаваў над будаўніцтвам касцёла Найсвяцейшай Дзевы Марыі Пераможнай у Казакішкісе.
У 1785 пабудаваў дамініканскі касцёл у Астраўцы;
Каля 1786 года стварыў праект дзіцячага дома на вуліцы Субачаус у Вільнюсе.
У 1786—1786 стварыў праект Палаца Абравічаў.
У 1790—1797 гадах займаўся рэканструкцыяй дома Л. Тышкевіча на вуліцы Вокіечу, 8 у Вільнюсе.
У другой палове XVIII стагоддзя па праекце А. Касакоўскага адбылася рэканструкцыя цэнтральнай часткі вёскі Варняны на аснове рэгулярнай ансамблевай забудовы. На працягу 1794—1795 гадоў і ў 1797 годзе там былі пабудаваны дом святара і аптэка, палац і касцёл Святога Юрыя (1796, разам з П'етра дэ Росі).
У 1803 годзе праектаваў бернардынскі касцёл у Валожыне.
Сярод іншых пабудоў можна згадаць пабудову жылых дамоў у Вільні, рэканструкцыю сядзібы Яленскіх у Гліцішкесе (афіцына і мураваны склад) і касцёла Найсвяцейшага Сэрца Ісуса ў Пабяржэ, мураваны млын з пастаялым дваром у прадмесці Вільні Паплаў.
Галерэя правіць
-
-
-
Флігель Палаца Тышкевічаў у Валожыне -
Зноскі
- ↑ Лазука Б.А. Беларуская архітэктура XIX - пачатку XX стагоддзя // Гісторыя сусветнага мастацтва. Рускае і беларускае мастацтва XIX - пачатку XX стагоддзя. — Беларусь, 2011. — С. 349. — 430 с. — ISBN 978-985-01-0880-7.