Бакары Санья

Бакары Санья (фр.: Bacary Sagna; нар. 14 лютага 1983, Санс, Бургундыя, Францыя) — французскі футбаліст, абаронца. Ігрок нацыянальнай зборнай Францыі (2007—2016).

Бакары Санья
Агульная інфармацыя
Нарадзіўся	14 лютага 1983(1983-02-14)[…] (41 год) Санс, дэпартамент Ёна, рэгіён Бургундыя, Метраполія Францыі, Францыя
Грамадзянства	Францыя
Рост	176 см
Вага	73 кг
Пазіцыя	абаронца
Маладзёжныя клубы
2002—2004 Асер
Клубная кар’ера
2004—2007 Асер 89 (0) 2007—2014 Арсенал (Лондан) 213 (4) 2014—2017 Манчэстэр Сіці 54 (0) 2018 Беневента 13 (1) 2018—2019 Манрэаль Імпэкт 35 (2)
Нацыянальная зборная
2004—2006 Францыя (да 21) 12 (1) 2007—2016 Францыя 65 (0)
Узнагароды і медалі
Чэмпіянаты Еўропы Срэбра Францыя 2016
Медыяфайлы на Вікісховішчы

Клубная кар’ера

«Асер»

Бакары Санья згуляў за «Асер» 87 матчаў у чэмпіянаце Францыі і быў уключаны ў склад, які выйграў Кубак Францыі ў 2005 годзе. Таксама ён гуляў у Кубку УЕФА ў кожным з трох сезонаў, калі ён быў футбалістам асноўнага складу. Бакары згуляў 17 матчаў у гэтым турніры. Таксама ён быў уключаны ў сімвалічную зборную чэмпіянату Францыі як правы абаронца.

«Арсенал»

12 ліпеня 2007 года Бакары Санья перайшоў з «Асера» ў лонданскі «Арсенал». Яму далі футболку пад нумарам 3, якую да яго насіў Эшлі Коўл, які цяпер гуляе за лонданскі «Чэлсі». 19 ліпеня ён дэбютаваў за новы клуб у таварыскім матчы супраць турэцкага клуба «Генчлербірлігі», якую «Арсенал» упэўнена выйграў 3:0. У Прэм’ер-лізе Санья зайграў з 1-га тура ў матчы супраць «Фулхэма» («Арсенал» перамог 2:1). Санья ў большасці выпадкаў гуляў правага абаронцу, хоць ён таксама мог згуляць і ў цэнтры, і на левым флангу, і нават у паўабароне. Са сваім прыходам, ён зрушыў свайго новага аднаклубніка Эмануэля Эбуэ на ролю правага паўабаронцы.

3 лютага 2008 года Бакары Санья стаў аўтарам галявой перадачы на Эмануэля Адэбаёра ў гульні супраць «Манчэстэр Сіці», калі «Арсенал» выйграў 3:1.

23 сакавіка 2008 года Бакары забіў свой першы гол у складзе «кананіраў». Пасля падачы вуглавога ён відушча прабіў галавой у браму лонданскага «Чэлсі». Аднак гэты гол не выратаваў «Арсенал» ад паражэння з лікам 1:2.

«Манчэстэр Сіці»

12 чэрвеня 2014 года было абвешчана аб пераходзе Санья ў «Манчэстэр Сіці». У маі 2017 года манчэстэрскі клуб абвясціў, што не будзе падаўжаць кантракт ў абаронцам, які заканчваўся ўлетку.

«Беневента»

У першай палове сезона 2017/18 заставаўся без каманды, а ў лютым 2018 года стаў іграком італьянскага клуба «Беневента». Па выніках сезона 2017/18 «Беневента» страціў месца ў Серыі A, і Санья пакінуў каманду.

«Манрэаль Імпэкт»

У жніўні 2018 года перайшоў у клуб амерыканскай МЛС «Манрэаль Імпэкт». У студзені 2020 года абвясціў аб сваім зыходзе з каманды.