Барталамеус Цэйтблом

Барталамеус Цэйтблом (ням.: Bartholomäus Zeitblom; каля 1455, Нёрдлінген — каля 1520, Ульм) — нямецкі мастак, майстар алтарнага жывапісу.

Барталамеус Цэйтблом
Дата нараджэння	1460
Месца нараджэння	Нёрдлінген, Германія
Дата смерці	1519
Месца смерці	Ульм, Свяшчэнная Рымская імперыя
Грамадзянства	Свяшчэнная Рымская імперыя
Род дзейнасці	мастак
Мастацкі кірунак	Адраджэнне
Медыяфайлы на Вікісховішчы

Біяграфія

Вучыўся маляваць у майстэрні свайго айчыма Херліна ў Нёрдлінгене. З 1482 года жыў ва Ульме, дзе пасля жаніцьбы з дачкой мастака Шухліна, зрабіўся ўладальнікам яго майстэрні. Створаныя ў яго майстэрні і пад яго кіраўніцтвам алтары дэманструюць развіццё мясцовых, паўднёвагерманскіх мастацкіх школ стылю позняй готыкі, якія мелі агульную крыніцу ў старанідэрландскім мастацтве. Адной з прыкмет школы Цэйтблома — маляванне шчыльна злучаных груп людзей з застылымі выразамі твараў. У Штутгарцкай дзяржаўнай галерэі захоўваюцца Кільхбергерскі, Эшахскі і Хербергерскі алтары работы Цэйтблома.