Барыс Андрэевіч Калавандзін

Барыс Андрэевіч Калава́ндзін (руск.: Борис Андреевич Коловандин; 21 студзеня 1938 — 7 чэрвеня 1998) — вучоны ў галіне гідрадынамікі і цеплафізікі, доктар тэхнічных навук (1984), прафесар (1986), акадэмік Нацыянальнай акадэміі навук Беларусі (1994, член-карэспандэнт з 1989), член Нью-Ёркскай акадэміі навук (1994).

Барыс Андрэевіч Калавандзін
Дата нараджэння	21 студзеня 1938(1938-01-21)
Месца нараджэння	Архангельск, Архангельская вобласць, РСФСР, СССР
Дата смерці	7 чэрвеня 1998(1998-06-07) (60 гадоў)
Месца смерці	Мінск, Беларусь
Месца пахавання	Усходнія могілкі
Грамадзянства	СССР  Беларусь
Род дзейнасці	навуковец
Навуковая ступень	доктар тэхнічных навук (1984) і Спіс акадэмікаў НАН Беларусі
Альма-матар	Санкт-Пецярбургскі дзяржаўны політэхнічны ўніверсітэт імя Пятра Вялікага
Член у	Нацыянальная акадэмія навук Беларусі Нью-Ёркская акадэмія навук[d]
Прэміі

Біяграфія

Нарадзіўся ў Архангельску. У 1961 годзе скончыў фізіка-механічны факультэт Ленінградскага політэхнічнага інстытута. Працаваў у канструктарскім бюро на заводзе транспартнага машынабудавання ў Харкаве і вучыўся ў аспірантуры пры Інстытуце чорнай металургіі Дзяржплана Украінскай ССР у Данецку. У 1966 годзе абараніў кандыдацкую дысертацыю і пачаў працу ў Інстытуце цепла- і масаабмену Акадэміі навук БССР. Да 1973 года займаў пасаду старэйшага навуковага супрацоўніка, потым — загадчыка лабараторыяй турбулентнасці.

Навуковая і грамадская дзейнасць

Навуковая дзейнасць Б. А. Калавандзіна звязаная з распрацоўкай нетрадыцыйных метадаў навігацыі скарасных гідрадынамічных аб’ектаў і спосабаў зніжэння іх гідрадынамічнага супраціўлення, даследаваннем турбулентнасці і працэсаў пераносу ў вадкасцях. Займаўся вырашэннем прыкладных задач, стварэннем новай тэхнікі і тэхналогій. Адначасова з навуковай дзейнасцю выкладаў у Беларускім дзяржаўным універсітэце і ў якасці запрошанага прафесара ва ўніверсітэтах Германіі, Італіі і іншых краін. Пад яго кіраўніцтвам абаронены 2 доктарскія і 10 кандыдацкіх дысертацый. Кіраваў Дзяржаўнай праграмай фундаментальных даследаванняў «Механіка», уваходзіў у склад экспертных і навуковых саветаў, рэдакцыйных калегій часопісаў.

Аўтар больш за 200 навуковых прац, у тым ліку 4 манаграфій. Сааўтар патэнта «Устройство для очистки сточных вод».

Сярод апублікаваных прац:

• Корреляционное моделирование процессов переноса в сдвиговых турбулентных течениях: Обзор соврем. исслед. — Мн., 1982.
• Моделирование теплопереноса при неоднородной турбулентности. — Мн., 1980.
• Процессы переноса в турбулентных течениях: Сб. науч. тр. / Акад. наук БССР, Ин-т тепло- и массообмена им. А. В. Лыкова — Мн., 1988.

Літаратура

• Калавандзін Барыс Андрэевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 355. — 800 с. — 5 000 экз. — ISBN 985-11-0026-9.

Спасылкі

• Барыс Андрэевіч Калавандзін у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Памяти учёного: КОЛОВАНДИН Борис Андреевич (руск.) // Нацыянальная акадэмія навук Беларусі
• Некралог у «Инженерно-физическом журнале» (руск.) // Інстытут цепла- і масаабмену імя А. В. Лыкава НАН Беларусі