Барыс Парфёнавіч Савіцкі

Барыс Парфёнавіч Саві́цкі (25 студзеня 1933 — 2008) — вучоны, заолаг і эколаг, доктар біялагічных навук (1973), прафесар (1976).

Барыс Парфёнавіч Савіцкі
Дата нараджэння	25 студзеня 1933(1933-01-25)
Месца нараджэння	Менск, БССР, СССР
Дата смерці	2008
Грамадзянства	СССР  Беларусь
Род дзейнасці	навуковец
Навуковая сфера	заалогія і экалогія
Месца працы	Рэспубліканскі навукова-практычны цэнтр эпідэміялогіі і мікрабіялогіі Гомельскі дзяржаўны ўніверсітэт імя Францыска Скарыны Навукова-практычны цэнтр НАНБ па біярэсурсах БДУ
Навуковая ступень	доктар біялагічных навук (1973)
Навуковае званне	прафесар
Альма-матар	біялагічны факультэт БДУ

Біяграфія

Нарадзіўся ў Мінску. У 1955 годзе скончыў біялагічны факультэт Беларускага дзяржаўнага ўніверсітэта. У 1956—1962 гадах працаваў у Беларускім навукова-даследчым інстытуце эпідэміялогіі і мікрабіялогіі. Потым займаў пасаду загадчыка лабараторыі медыцынскай заалогіі і паразіталогіі ў Хабараўскім навукова-даследчым інстытуце эпідэміялогіі і мікрабіялогіі, загадчыка кафедры заалогіі Дзяржаўнага педагагічнага ўніверсітэта ў Камсамольску-на-Амуры. З 1974 года працаваў у Гомельскім дзяржаўным універсітэце на кафедры заалогіі і аховы прыроды біялагічнага факультэта. Пасаду загадчыка гэтай кафедры займаў у 1974—1990 гадах. З 1990 года Б. П. Савіцкі ў Вярхоўны Савеце, член Прэзідыума, старшыня камісіі. З 1996 года ў Інстытуце заалогіі Акадэміі навук Беларусі. Таксама працаваў у Беларускім дзяржаўным універсітэце, дзе займаў пасаду намесніка дырэктара Міжведамаснага цэнтра праблем нацыянальных паркаў і запаведнікаў.

Навуковая дзейнасць

Аўтар прац па экалогіі ўзбуджальнікаў асабліва небяспечных інфекцый, экалогіі і фаўне кровасысучых насякомых, агульнай экалогіі, ахове прыроды.

Сярод апублікаванага:

• Трансисионнные зоонозы в Гомельской области. — Мозырь, 1999 (разам з Л. С. Цвірко);
• Популяцинно-генетические ресурсыпихты белой в беларуси. — Гомель, 2000 (разам з Р. Р. Ганчарэнкам).

Літаратура

• Савіцкі Барыс Парфёнавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 69. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Вучоныя Беларусі: Савіцкі, Барыс Парфёнавіч (доктар біялагічных навук; 1933—2008)
• Беларусь у асобах і падзеях. Савіцкі Барыс Парфёнавіч
• Итоги многолетних исследований по изучению биоразнообразия и степени развития зоопланктона водных экосистем Белорусского Полесья // Известия ГГУ имени Ф. Скорины. — 2009. — № 3 (Ч. 1). — С. 45—51. (руск.)