Баярскае

Бая́рскае — возера ў Чашніцкім раёне Віцебскай вобласці ў басейне ракі Свінка (цячэ праз возера), за 12 км у напрамку на паўночны ўсход ад горада Чашнікі каля вёскі Баяры.

Баярскае
Морфаметрыя
Вышыня над узроўнем мора	132,6 м
Даўжыня	0,8 км
Шырыня	0,44 км
Плошча	0,2 км²
Аб’ём	0,00023 км³
Даўжыня берагавой лініі	2 км
Найбольшая глыбіня	1,5 м
Сярэдняя глыбіня	1,2 м
Гідралогія
Салёнасць	0,305 ‰
Празрыстасць	да 0,2 м
Басейн
Плошча вадазбору	17,2 км²
Упадаюць	рака Свінка
Выцякаюць	рака Свінка
Размяшчэнне
Краіна	Беларусь
Рэгіён	Віцебская вобласць
Баярскае
Баярскае

Плошча паверхні возера 0,2 км², даўжыня 0,8 км, найбольшая шырыня 0,44 км. Найбольшая глыбіня 1,5 м, сярэдняя 1,2 м. Даўжыня берагавой лініі 2 км. Плошча вадазбору 17,2 км². Аб'ём вады 0,23 млн м³.
Катлавіна возера рэшткавага тыпу, выцягнутая з поўначы на поўдзень. Схілы катлавіны спадзістыя.Берагі сплавінныя, на паўночным усходзе абразійныя. Вакол возера забалочаная пойма. Дно возера выслана сапрапелем, уздоўж усходняга берага пясчанае і глеістае. Расліннасць распаўсюджваецца да глыбіні 1 м на адлегласці 10—175 м ад берага. Зарастае каля 30 % плошчы возера.
Праз возера працякае рака Свінка і злучае яго з азёрамі Глыбочына і Хоцькаўскае. На ўсходзе ў Баярскае ўпадае Красніца.

У возеры водзяцца шчупак, язь, акунь, карась і іншыя рыбы.

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — Т. 2. — С. 369. — 480 с. — 10 000 экз. — ISBN 985-11-0061-7 (т. 2).
• Энцыклапедыя прыроды Беларусі. У 5-і т. Т. 1 / Рэдкал.: І. П. Шамякін (гал. рэд.) і інш.. — Мн.: БелСЭ, 1983. — Т. 1. — С. 256. — 575 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 30. — 72 с. — 10 000 экз. — ISBN 978-985-508-136-5. (руск.)