Белсувязьбуд

Адкрытае акцыянернае таварыства «Белсувязьбуд» — беларуская кампанія, якая ажыццяўляе будаўніцтва ўсіх сістэм сувязі на тэрыторыі Рэспублікі Беларусь.

Белсувязьбуд
Тып	ААТ
Заснаванне	2 красавіка 1964 года
Ключавыя постаці	Прановіч Сяргей Паўлавіч (генеральны дырэктар)
Галіна	Будаўніцтва
Дэвіз	"Мы скарачаем адлегласці"
Сайт	bss.by

Гісторыя

Адкрытае акцыянернае таварыства «Белсувязьбуд» створана ў адпаведнасці з загадам Міністэрства па кіраванню дзяржаўнай маёмасцю і прыватызацыі Рэспублікі Беларусь ад 27 снежня 1996 года № 326 і на падставе рашэння ўстаноўчай канферэнцыі па стварэнні адкрытага акцыянернага таварыства «Белсувязьбуд» 20 снежня 1996 года шляхам пераўтварэння арэнднага трэсту «Белсувязьбуд».

Структура

Кіраванне ў Таварыстве ажыццяўляюць:

• агульны сход акцыянераў;
• назіральны савет;
• дырэкцыя і генеральны дырэктар.

Дырэкцыя з’яўляецца калегіяльным выканаўчым органам Таварыства, падсправаздачная па ўсіх пытаннях сваёй дзейнасці сходу акцыянераў, назіральнаму савету і дзейнічае ў межах паўнамоцтваў, вызначаных Статутам, рашэннямі сходаў акцыянераў, назіральным саветам. Генеральны дырэктар ўзначальвае дырэкцыю, арганізуе яе працу і старшынствуе на яе пасяджэннях. Кантроль за дзейнасцю ААТ «Белсувязьбуд» ажыццяўляе рэвізійная камісія, якая абіраецца агульным сходам акцыянераў.

У склад ААТ «Белсувязьбуд» уваходзяць галаўное падраздяленне і 6 філіялаў:

• філіял № 2 г. Віцебск, зав. Перадавы, д. 3;
• філіял № 3 г. Гомель, вул. Аб’яздная, д.20;
• філіял № 4 г. Магілёў, 1 Брыкетны завулак, д.1;
• філіял № 5 г. Брэст, вул. Чырвонагвардзейская, д.106;
• філіял № 6 г. Гродна, вул. Пралетарская, д.89;
• філіял № 9 г. Полацк, вул. Серафімовіча, д.16

Спасылкі

• bss.by/be/ — афіцыйны сайт ААТ «Белсувязьбуд»
• Структура
• Кіраўніцтва
• Навіны ААТ