Васіль Іванавіч Лузгін

Васі́ль Іва́навіч Лузгі́н (12 (25) лютага 1914, Дрымаўшчына Сенненскага павета Магілёўскай губерні, Расійская імперыя, цяпер Чашніцкі раён — 1998, Мінск) — савецкі дзяржаўны і партыйны дзеяч, адзін з арганізатараў і кіраўнікоў камсамольска-маладзёжнага падполля і партызанскага руху ў часы Вялікай Айчыннай вайны на тэрыторыі Віцебскай вобласці, міністр сацыяльнага забеспячэння БССР (1973—1982).

Васіль Іванавіч Лузгін
Міністр сацыяльнага забеспячэння БССР 1973 — 1982
Кіраўнік урада	Ціхан Кісялёў Аляксандр Аксёнаў
Папярэднік	Мікалай Аўхімовіч
Пераемнік	Глеб Крывулін
Другі сакратар Пінскага абкама КПБ 1952 — 1953
Сакратар ЦК ЛКСМБ 1944 — 1946
Нараджэнне	12 (25) лютага 1914 Дрымаўшчына, Сенненскі павет, Магілёўская губерня, Расійская імперыя
Смерць	1998 Мінск, Беларусь
Адукацыя	Вышэйшая партыйная школа пры ЦК УКП(б) (1949)
Узнагароды

Біяграфія

Член УКП(б) з 1939 года.

З 1937 года на пасадзе сакратара Чашніцкага раённага камітэта ЛКСМ Беларусі.

З 1939 года — сакратар Магілёўскага абласнога камітэта ЛКСМБ, с пачаткам Вялікай Айчыннай вайны ў Палітычным упраўленні Цэнтральнага фронта.

У сакавіку 1942 года абраны на пасаду Першага сакратара Віцебскага падпольнага абкама ЛКСМБ, член Віцебскага падпольнага абкама КПБ.

У 1944—1946 гадах — сакратар ЦК ЛКСМ Беларусі, з 1949 года на партыйнай рабоце — інспектар ЦК КПБ, другі сакратар Пінскага абкама КПБ, першы сакратар Драгічынскага райкама КПБ.

У 1959 годзе быў прызначаны намеснікам міністра, а ў 1973—1982 гадах быў міністрам сацыяльнага забеспячэння Беларускай ССР.

Кандыдат у члены ЦК КПБ (1952—1954), член ЦК КПБ (1954—1960). Дэпутат Вярхоўнага Савета БССР (1955—1963, 1975—1985).

Творы

У суаўтарстве з Я. А. Жыляніным і І. Б. Пазняковым напісаў кнігу «Без линии фронта», выдадзеную ў 1975 годзе.

Літаратура

• Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — 10 000 экз. — ISBN 985-11-0041-2.