Васіль Савельевіч Кудзін

Васіль Савельевіч Кудзін (23 кастрычніка 1929, Талачын, Віцебская вобласць — 4 сакавіка 1987) — работнік сельскай гаспадаркі, Герой Сацыялістычнай Працы (1966).

Васіль Савельевіч Кудзін
Дата нараджэння	23 кастрычніка 1929(1929-10-23)
Месца нараджэння	Талачын, Талачынскі раён, Аршанская акруга, БССР, СССР
Дата смерці	4 сакавіка 1987(1987-03-04) (57 гадоў)
Грамадзянства	БССР
Партыя	КПСС
Узнагароды і прэміі

Біяграфія

У 1944—1948 гадах працаваў на заводзе ў горадзе Перм (Расія). У 1949 годзе вярнуўся на радзіму ў Беларусь.

З 1954 года працаваў механізатарам, а з 1964 года — звеннявым механізаванага звяна па вырошчванні бульбы ў калгасе імя Энгельса Талачынскага раёна.

З 1961 года з’яўляецца членам КПСС.

Званне Героя Сацыялістычнай Працы прысвоена 30 красавіка 1966 года за поспехі ў павелічэнні вытворчасці і нарыхтовак сельскагаспадарчых культур.

Дэлегат XIV з’езда прафсаюзаў СССР і XV з’езда прафсаюзаў БССР.

Узнагароды

• Герой Сацыялістычнай Працы (1966)
• ордэн Леніна
• залаты медаль «Серп і Молат» Героя Сацыялістычнай Працы
• медаль «За доблесную працу»

Літаратура

• Кудзін Васіль Савельевіч // Беларуская Савецкая энцыклапедыя : у 12 т. / рэдкал.: П. У. Броўка [і інш.]. — Мінск, 1972. — Т. 6 : Кішынёў-Мінцэвічы. — С. 172.
• Раманоўскі, У. С. Чалавек самаадданай працы / У. С. Раманоўскі // Памяць: гісторыка-дакументальная хроніка Талачынскага раёна / рэдкал.: І. П. Шамякін [і інш.]; мастак А. М. Хількевіч. — Мінск : БелЭн імя П. Броўкі, 1988. — С. 605—606.