Верні Ловет Камеран
Верні Ловет Камеран (Кэмеран; англ.: Verney Lovett Cameron, 1 ліпеня 1844 — 24 сакавіка 1894) — англійскі падарожнік, першы еўрапеец, які прайшоў экватарыяльную Афрыку ад Індыйскага акіяна да Атлантычнага.
| Верні Ловет Камеран | |
|---|---|
 Фатаграфія Аляксандра Кінэ, прадстаўленая ў Société de Géographie. | |
| Род дзейнасці | падарожнік-даследчык, пісьменнік |
| Дата нараджэння | 1 ліпеня 1844[1][2][…] |
| Месца нараджэння | |
| Дата смерці | 24 сакавіка 1894[2][3] (49 гадоў) |
| Месца смерці | |
| Грамадзянства | |
| Член у | |
| Узнагароды і прэміі |
Founder’s Medal[d] (1876) |
| Аўтограф |
 |
 Медыяфайлы на Вікісховішчы | |
.svg){kind=small}
Біяграфія правіць
Камерон быў ваенным мараком, удзельнікам ваеннага канфлікту ў Абісініі ў 1868 годзе, прымаў удзел у кампаніі брытанскіх каланіяльных войскаў па спыненні гандлю людзьмі ва Усходняй Афрыцы. У 1872 годзе ён быў прызначаны начальнікам экспедыцыі, арганізаванай Каралеўскім геаграфічным таварыствам на дапамогу Лівінгстану; у сакавіку 1873 года экспедыцыя прыбыла ў Занзібар і 24 сакавіка, пераправіўшыся з вострава на кантынентальны бераг, з паселішча Багамаё накіравалася ўглыб кантынента. 4 жніўня атрад Камерана сустрэў рэшткі экспедыцыі Лівінгстана, вяртаецца ў Занзібар з яго целам.
Кіруючыся атрыманымі ад Геаграфічнага таварыства ўказаннямі працягнуць справу Лівінгстана, Кэмеран рушыў далей, дабраўшыся ў лютым 1874 года ў горад Уджыджы на возеры Танганьіка, дзе знайшоў паперы экспедыцыі Лівінгстана. Далей Камеран паспрабаваў рушыць на захад, Сплаўляючыся па рэках Лукуга і Луалаба, якія ён лічыў прытокамі Конга, аднак вымушана быў працягнуць падарожжа па сушы і, у рэшце рэшт, прайшоўшы па цалкам невядомым краінам 5800 км на паўднёвы захад, дасягнуў Луанды 7 лістапада 1875 года. Гэта падарожжа, асабліва дзякуючы добрым назіранням і надзейным вызначэнням геаграфічных каардынат, належыць да найбольш прадуктыўных падарожжаў Новага часу; Камеран быў ўдастоены залатых медалёў Лонданскага і Парыжскага геаграфічных таварыстваў.
У 1878 годзе Камеран праехаў праз Малую Азію да Тыгра і Еўфрата, каб даследаваць магчымасць пракладкі чыгункі ад Міжземнага мора да Індыі. У 1882 годзе ён адправіўся ў яшчэ адно афрыканскае падарожжа, на гэты раз у раён Залатога берага (Цяперашняй Ганы), разам з іншым вядомым падарожнікам Рычардам Бёртанам. Камеран загінуў, вяртаючыся з палявання, у англійскім графстве Бэдфардшыр: яго скінуў конь.
Сваё галоўнае падарожжа Камеран апісаў у кнізе «Праз Афрыку» (англ.: «Across Africa», 1876); для юнацтва адаптаванае выданне «У дзікай Афрыцы» (англ.: «In savage Africa», 1887). Другая афрыканская экспедыцыя Камерана апісана ім разам з Бёртанам у сумеснай кнізе «На Залаты бераг за золатам» (англ.: «To the Gold Coast for Gold», 1883).
Зноскі
- ↑ Verney Lovett Cameron // Encyclopædia Britannica Праверана 9 кастрычніка 2017.
- ↑ а б Verney Lovett Cameron // Internet Speculative Fiction Database — 1995. Праверана 9 кастрычніка 2017.
- ↑ Verney Lovett Cameron // Proleksis enciklopedija, Opća i nacionalna enciklopedija — 2009.
- ↑ https://babel.hathitrust.org/cgi/pt?id=mdp.39015035593055&seq=44&q1=Cameron
Літаратура правіць
- Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).