Война Мацвеевіч Грычына

Война Мацвеевіч Грычына, або Воін Грычынавіч, у хрышчэнні Барыс (каля 1492 — 15 мая 1582) — ураднік Вялікага Княства Літоўскага.

Война Мацвеевіч Грычына
1-ы падкаморы пінскі[d] з 28 студзеня 1566
Пераемнік	Фалька Гаўрылавіч Грычына[d]
2-і кашталян мсціслаўскі 1580 — 1582
Папярэднік	Іван Васілевіч Саламярэцкі[d]
Пераемнік	Станіслаў Паўлавіч Нарушэвіч
неваднічы гарадзенскі[d] з 1563
Пераемнік	Іван Макаровіч[d]
Род	Войны-Грычынавічы
Бацька	Мацвей Грычына[d]
Дзеці	Габрыэль Война, Сямён Война, Бенедыкт Война, Рыгор Война, Лаўрын Война, Сокал Война, Ганна з Войнаў[d] і Дарота з Войнаў[d]
Веравызнанне	праваслаўе

Біяграфія

Паходзіў з баярскага роду Грычынаў. Сын пінскага баярына Мацвея Грычыны (Грычынавіча) і Марыны з невядомага роду.

Падкаморы пінскі (1567—1570), кашталян мсціслаўскі (да 1582), дзяржаўца лабенскі, бярштунскі, бяржанскі, ожскі і пераломскі, юрборкскі. Станам на 1558 год ляснічы і неваднічы гарадзенскі, дзяржаўца лабенскі, пярстуньскі і бержніцкі.

Сям’я

Жанаты быў, паводле Банецкага, з Марынай невядомага роду. Паводле тастамента сына Сямёна, з Багданай Янушаўнай з Любельскіх. Магчыма, жанаты быў двойчы, бо чацвёртыя часткі складаных гербаў яго сыноў Лаўрына і Рыгора розныя.

Літаратура

• Валерый Пазднякоў. Войны // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.