Палаван
Пала́ван (тагальск.: Palawan) — востраў на Філіпінах, разам з суседнімі астравамі складае самую вялікую (аднайменную) правінцыю ў дзяржаве.
| Палаван | |
|---|---|
| тагальск. Palawan | |
 | |
| Характарыстыкі | |
| Плошча | 12 188,6 км² |
| Найвышэйшы пункт | 2 085 м |
| Насельніцтва | 900 000 чал. (2010) |
| Шчыльнасць насельніцтва | 73,84 чал./км² |
| Размяшчэнне | |
| 9°31′39″ пн. ш. 118°23′51″ у. д.HGЯO | |
| Краіна | |
| Рэгіён | правінцыя Палаван |
 | |
 Медыяфайлы на Вікісховішчы | |
Плошча вострава Палаван — 12 188,6[1] км². Палаван мае 425 км у даўжыню і ад 8,5 да 40 км у шырыню. Даўжыня берагавой лініі 1354,1[1] км. Адміністрацыйны цэнтр — горад Пуэрта-Прынсеса. Геаграфічна востраў знаходзіцца паміж Паўднёва-Кітайскім морам, якое ляжыць на паўночны захад, і морам Сулу на паўднёвым усходзе.
Рэльеф і клімат правіць
Большую частку вострава займаюць горы, джунглі і мангравыя лясы. Вышыні да 2085 м. Цэнтральны горны ланцуг дзеліць Палаван на дзве часткі, клімат у якіх адрозніваецца. Востраў знаходзіцца ў зоне ўплыву паўднёва-заходніх мусонаў. Ападкі выпадаюць з мая па снежань, у астатні час года на Палаване сухое і гарачае надвор’е. На працягу ўсяго года сярэдняя дзённая тэмпература паветра складае ад 26 да 29 °C.
Гісторыя правіць
Яшчэ ў старажытныя часы кітайскія гандляры прыязджалі на Філіпіны праз Палаван. У XII стагоддзі востраў пачалі засяляць малайцы. Яны займаліся, у асноўным, рыбалоўствам, земляробствам і паляваннем. У пачатку XVII стагоддзя на Палаван накіраваліся іспанскія місіянеры, якія сустрэлі супраціў з боку людзей племя мора. Да XVIII стагоддзя іспанцы будавалі цэрквы побач з умацаванымі гарнізонамі для абароны ад набегаў мора. У 1749 годзе султан Барнэа перадаў паўднёвы Палаван Іспаніі. У 1898 годзе іспанцы пакінулі востраў пасля рэвалюцыі, і ЗША ўстанавілі праўленне. З 1903 года ўтворана правінцыя, якая атрымала сваю назву, па галоўным востраве, Палаван. Падчас Другой сусветнай вайны японцы, асцерагаючыся вызвалення ваеннапалонных з боку саюзнікаў, сабралі каля 150 чалавек у яме і падпалілі з дапамогай бочак з бензінам. Тых, хто спрабаваў уцячы даганялі кулі. Усяго загінула ад 133 да 141 ваеннапалоннага, толькі 11 ўдалося выратавацца.
Зноскі
- ↑ а б ISLANDS Web Site // United Nations Environment Programme (UNEP) Архівавана 28 красавіка 2019. (англ.)
Літаратура правіць
- Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 325. — 538 с. — 100 000 экз. (руск.)
- Вiдэе, Палаван 2017 рок
Спасылкі правіць
- ISLANDS Web Site // United Nations Environment Programme (UNEP) Архівавана 28 красавіка 2019. (англ.)
- Palawan // Encyclopaedia Britannica (англ.)
На Вікісховішчы ёсць медыяфайлы па тэме Палаван
