Трэска (востраў)
Трэска (англ.: Tresco, корнск.: Enys Skaw) — другі па велічыні востраў у архіпелагу Сілі. Агульная плошча — 2,97 км².
Трэска | |
---|---|
англ. Tresco, корнск. Enys Skaw | |
Характарыстыкі | |
Плошча | 2,97 км² |
Насельніцтва | 180 чал. (2001) |
Шчыльнасць насельніцтва | 60,61 чал./км² |
Размяшчэнне | |
49°55′25″ пн. ш. 6°17′50″ з. д.HGЯO | |
Архіпелаг | Астравы Сілі |
Акваторыя | Атлантычны акіян |
Краіна | |
Медыяфайлы на Вікісховішчы |
Прырода правіць
Трэска славіцца разнастайнымі пейзажамі. Паўночная частка пакрыта гранітнымі скаламі і ўзгоркамі. На поўдні вылучаецца раўніна, значную частку ўзбярэжжа займае пляж.
Мясцовыя насельнікі вырошчваюць субтрапічныя расліны. Фаўна прадстаўлена шматлікімі птушкамі і ластаногімі.
Гісторыя правіць
Трэска быў населены ў жалезным веке. У эпоху сярэднявечча яго аблюбавалі хрысціяне-пустэльнікі. У XII - XV стст. ён належаў Тавістокскаму абацтву.
У XVII ст. востраў выкарыстоўваўся як база для раялістаў і прыхільнікаў Олівера Кромвеля.
У XIX - XX стст. арандаваўся сям'ёю Смітаў, якія таксама распараджаліся іншымі астравамі Сілі. Нашчадкі арандатараў жывуць на Трэска і ў нашы дні.
Славутыя мясціны правіць
- Замак караля Карла — умацаванне XVI ст. Быў пабудаваны для абароны Сілі ад піратаў. Меў 2 гарматы. У XVII ст. быў часткова адноўлены, але потым пакінуты. У нашы дні захаваліся толькі рэшткі пабудоў.
- Батанічны сад Эбі быў заснаваны яшчэ ў перыяд панавання каталіцкіх манахаў. Дзякуючы гэтаму Трэска атрымаў сваю назву — Trescau або Iniscaw («старыя дрэвы»). У нашы дні у батанічным садзе вырошчваюць субтрапічныя культуры, дрэвы і кветкі з Амерыкі, Аўстраліі, Новай Зеландыі і г.д.
- Англіканскі касцёл Святога Мікалая, пабудаваны ў XIX ст. у неараманскім стылі на месцы старажытнага каталіцкага кляштара.
Эканоміка правіць
Галоўныя галіны эканомікі — вырошчванне кветак і турызм. На Трэска не выкарыстоўваецца аўтамабільны транспарт. Сувязь з іншымі астравамі падтрымліваецца з дапамогай верталётаў і лодак.