Вушан звычайны

Вуша́н звычайны (Plecotus auritus) — млекакормячая жывёла сямейства гладканосых лятучых мышэй атрада рукакрылых.

Вушан звычайны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Рукакрылыя Падатрад:  Кажаны Надсямейства:  Vespertilionoidea Сямейства:  Гладканосыя лятучыя мышы Падсямейства:  Vespertilioninae Трыба:  Plecotini Род:  Plecotus Від:  Вушан звычайны
Міжнародная навуковая назва
Plecotus auritus Linnaeus, 1758
Сістэматыка на Віківідах Выявы на Вікісховішчы ITIS   632133 NCBI   61862 EOL   289433 FW   233611

Апісанне

Даўжыня цела 4,2—5,4 см, хваста да 5,2, вушэй да 4 см, маса да 10,5 г. Поўсць мяккая шаўкавістая, зверху палева-буравата-шэрая з карычневым адценнем, знізу шэра-белавата палевая. Палёт хуткі, нераўнамерны.

Пашырэнне

Пашыраны ў Еўразіі, Паўночнай Афрыцы; на Беларусі трапляецца ўсюды, нешматлікі. Аселы. Жыве пад адсталай карой, на гарышчах, за аканіцамі, у дуплах, зімой — у скляпах, падвалах, бульбяных ямах і інш.

Асаблівасці біялогіі

Палюе ноччу без перапынку на невялікай вышыні па ўзлесках, лясных прасеках, у кронах дрэў паркаў і садоў, уздоўж дарог, над вадаёмамі. Знішчае лускакрылых насякомых, пераважна шкоднікаў сельскай і лясной гаспадаркі.

Нараджае 1, зрэдку 2 дзіцянят.

Літаратура

• Вушан // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).