Вікенцій Горскі

Вікенцій (Вінцэнт) Мельхіёравіч Горскі (1848 — пасля 1901) — літоўскі грамадзянскі інжынер, архітэктар.

Вікенцій Горскі
Дата нараджэння	1848
Дата смерці	1901
Альма-матар	Пецярбургскае будаўнічае вучылішча (1873)
Працы і дасягненні
Працаваў у гарадах	Тэмрук, Вільнюс

Біяграфія

Нарадзіўся ў 1848 годзе. Прадстаўнік шляхецкага роду Горскіх.

У 1867—1873 гадах вучыўся ў Санкт-Пецярбургскім будаўнічым вучылішчы. Пасля заканчэнні курса быў прылічаны да Тэхніка-будаўнічага камітэта і ў хуткім часе прызначаны тэмруцкім гарадскім архітэктарам, а ў 1874 выйшаў у адстаўку.

У 1885—1901 гадах працаваў экспертам па нерухомасці ў Віленскім зямельным банку. Займаўся прыватнай архітэктурнай практыкай. У Вільні па яго праектах пабудавана каля 70 прыватных і грамадскіх будынкаў.

Праекты

Віленскі зямельны банк у Вільнюсе

Сядзібны дом у маёнтку Тарнова

У Вільнюсе

• «Дом Балінскіх», вул. Вільняўс, 27, 1879
• Гатэль «Еўропа», вул. Аўшрос Варту, 6, 1880
• Дом М. Бурчарта, пр. Гядзіміна 1/2, 1880.
• Дом А. Ваньковіч,  пр. Гядзіміна, 15, 1880.
• Дом Хадзінскага, пр. Гядзіміна, 2 і 4, 1884 і 1889.
• Дом Ромера, вул. Арклю, 20, аднаўленне, 1880.
• Рэканструкцыя палаца Лапацінскіх, вул. Бярнардзіну, 8, 1886.
• Дом Л. Чахаса, вул. Ліейіклас, 5, аднаўленне, 1886.
• Манастыр Святога Духа, аднаўленне, 1884.
• Былы будынак Чалавекалюбнага таварыства, вул. Вільняус, 22/ вул. Лабдарыу, 1, 1884.
• Рэканструкцыя афіцыны палаца Лапацінскіх, вул. Бернардзіну, 8, 1889—1891
• Віленскі зямельны банк, пр. Гядзіміна, 6, 1890—1891 (паводле іншых звестак, архітэктар будынка Л. Вінер).
• Рамесная школа, вул. Лабдарыу, 5 і 7/11, 1894.
• Уласны дом, вул. К. Каліноўскага, 19, 1896.

Іншае

Спраектаваў сядзібны дом у маёнтку Тарнова, цяпер у Лідскім раёне.

Памяць

У гонар заслуг архітэктара перад Вільнюсам сталічны гарадскі савет у 2014 годзе вырашыў назваць іменем В. Горскага вуліцу ў спальным раёне Пашылайчай.