Віктар Іванавіч Хахракоў

Віктар Іванавіч Хахракоў
Віктар Іванавіч Хахракоў
	руск.: Виктор Иванович Хохряков
Дата нараджэння	13 (26) ліпеня 1913
Месца нараджэння	Уфа, Уфімская губерня[d], Расійская імперыя;
Дата смерці	20 верасня 1986 (73 гады)
Месца смерці	Масква, РСФСР, СССР;
Месца пахавання	Ваганькаўскія могілкі;
Грамадзянства	Расійская імперыя; СССР;
Адукацыя	Тэхнікум сцэнічных мастацтваў (1933);
Прафесія	акцёр, тэатральны рэжысёр, тэатральны педагог
Гады актыўнасці	з 1947
Тэатр	Башкірскі акадэмічны тэатр драмы імя Мажыта Гафуры[d]; Харкаўскі акадэмічны драматычны тэатр[d]; Маскоўскі драматычны тэатр імя М. В. Гогаля[d]; Малы тэатр;
Прэміі
Узнагароды	;
IMDb	ID 0451749
	Медыяфайлы на Вікісховішчы

Віктар Іванавіч Хахракоў (руск.: Ви́ктор Ива́нович Хохряко́в; 13 (26) ліпеня 1913, Уфа — 20 верасня 1986(1986-09-20), Масква) — савецкі акцёр, тэатральны рэжысёр, майстар мастацкага слова (чытальнік). Народны артыст СССР (1973). Лаўрэат дзвюх Сталінскіх прэмій (1949, 1951).

Біяграфія правіць

Нарадзіўся 13 (26) ліпеня 1913 года ва Уфе. У 1921—1929 гадах вучыўся ў школе-дзевяцігодцы ва Уфе, адначасова, 1921—1926 гадах — вучань рэквізітара і бутафора ва Уфімскім гарадскім тэатры. У 1926—1927 гадах — кіраўнік драматычнага гуртка і артыст калектыву «Шэрая блуза» Дома работнікаў асветы ва Уфе. У 1929 годзе — артыст дапаможнага складу Башкірскага тэатра ЦСПС і адначасова рахункавод Чураеўскага Гнездавага аб’яднання насенняводчых калгасаў (Бірскі кантон Башкірскай АССР).

У 1929—1933 гадах вучыўся ў Ленінградскім тэхнікуме сцэнічных мастацтваў (цяпер — Расійскі дзяржаўны інстытут сцэнічных мастацтваў) (педагог М. У. Пятроў). У 1933—1940 гадах — акцёр Харкаўскага рускага драматычнага тэатра, у 1940—1953 — Цэнтральнага тэатра транспарту ў Маскве (цяпер — Маскоўскі драматычны тэатр імя М. В. Гогаля).

У 1953—1960 і з 1962 года і да канца жыцця — акцёр і рэжысёр Малога тэатра. У 1960—1962 гадах — акцёр Акцёрскай студыі пры «Масфільме» (цяпер Цэнтр тэатра і кіно пад кіраўніцтвам Мікіты Міхалкова). У Харкаве стаў вядомы як чытальнік на эстрадзе. Шмат працаваў на радыё, браў удзел у дубліраванні замежных фільмаў.

У кіно пачаў здымацца з 1946 года.

У 1974—1975 гадах выкладаў у Вышэйшым тэатральным вучылішчы (інстытут) імя М. С. Шчэпкіна пры Малым тэатры СССР (мастацкі кіраўнік Кіргізскай студыі). Член УКП(б) з 1939 года.

Памёр 20 верасня 1986 года ў Маскве. Пахаваны ў Маскве на Ваганькаўскіх могілках.

Спасылкі правіць

На Вікісховішчы ёсць медыяфайлы па тэме Віктар Іванавіч Хахракоў