Віктар Сукеніцкі
Віктар Сукені́цкі[3] (польск.: Wiktor Sukiennicki; 25 ліпеня 1901 — 10 мая 1983) — польска-амерыканскі гісторык, палітолаг, юрыст, публіцыст, доктар права (1927).
Віктар Сукеніцкі | |
---|---|
польск.: Wiktor Sukiennicki | |
Дата нараджэння | 25 ліпеня 1901 |
Месца нараджэння | |
Дата смерці | 10 красавіка 1983 (81 год) |
Месца смерці | |
Грамадзянства | |
Род дзейнасці | гісторык, палітолаг, юрыст, публіцыст |
Навуковая сфера | права[2] і тэорыя дзяржавы і права[d][2] |
Месца працы | |
Навуковая ступень | прафесар і доктар права[d] (1925) |
Член у | |
Медыяфайлы на Вікісховішчы |
Біяграфія правіць
Нарадзіўся ў прадмесці Каўнаса Аляксота[4] (літ.: Aleksotas). Скончыў юрыдычны факультэт Універсітэта імя Стэфана Баторыя ў Вільні. У 1925 годзе абараніў ступень доктара ў галіне міжнароднага права ў Парыжскім універсітэце (Сарбона)[5]. Член польскай арганізацыі вайсковай у Каўнасе, добраахвотнік польска-савецкай вайны 1919—1921 гадоў[5]. У 1929—1939 гадах чытаў лекцыі па тэорыі права ва Універсітэце імя Стэфана Баторыя. Дацэнт Навукова-даследчага інстытута Усходняй Еўропы пры ўніверсітэце[3]. Займаўся адвакацкай практыкай[4]. З 1934 года Віктар Сукеніцкі знаходзіўся на навуковай стажыроўцы ў СССР[3]. У 1941[3][5] годзе быў арыштаваны органамі НКУС і сасланы ў працоўны лагер у Краснаярскі край. У 1942 годзе быў вызвалены і працаваў першым сакратаром[5] пасольства Рэспублікі Польшча ў СССР (у горадзе Куйбышаў[5]). У верасні 1942 года пераехаў у Тэгеран, дзе працаваў у пасольстве[5]. З 1943 года Віктар Сукеніцкі ў Вялікабрытаніі, выкладаў у польскім універсітэце ў Оксфардзе і Лонданскай школе эканомікі і палітычных навук. У 1952—1959 гадах быў аналітыкам і рэдактарам «Радыё Свабодная Еўропа». У 1959 годзе Віктар Сукеніцкі эміграваў у ЗША. Працаваў навуковым супрацоўнікам у Гувераўскім інстытуце пры Стэнфардскім ўніверсітэце (Каліфорнія).
Працы правіць
Аўтар прац «Эвалюцыя ладу Саюза Савецкіх Сацыялістычных рэспублік» (Ewolucja ustroju ZSRR, т. 1—3, Лондан, 1938—1939), «Прычыны і пачатак польска-савецкай вайны, 1919—1921» (Лондан, 1963), «Партыя, яе роля і значэнне ў СССР» (Partia, jej rola i znaczenie w ZSRR, 1949), «Усходне-Цэнтральная Еўропа ў час Першай сусветнай вайны» (East Central Europe in War World I, т. 1—2, ЗША, 1984) і інш. Пад кіраўніцтвам В. Сукеніцкага было таксама падрыхтавана выданне «Факты і дакументы аб польскіх вязнях вайны, захопленых СССР у ходзе кампаніі 1939 г.» (Facts and Documents Concerning Polish Prisoners of War Captured by thе U.S.S.R. during the 1939 Campaign)[5].
Зноскі
- ↑ Bibliothèque nationale de France BnF catalogue général — Paris: BnF. Праверана 26 сакавіка 2017.
- ↑ а б Czech National Authority Database Праверана 7 лістапада 2022.
- ↑ а б в г БелЭн 2002.
- ↑ а б Sukiennicki Wiktor // Internetowa encyklopedia PWN (польск.)
- ↑ а б в г д е ё Корнилова О. В. Польские отрицатели Катыни и «Нюрнберг» для Сталина в антироссийской политике Великобритании и США // Наука. Общество. Оборона — 2022. — Т. 10. — № 3 (32). — С. 19—19. (руск.)
Літаратура правіць
- Сукені́цкі Віктар // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 259. — 10 000 экз. — ISBN 985-11-0035-8. — ISBN 985-11-0251-2 (т. 15).
Спасылкі правіць
- Корнилова О. В. Польские отрицатели Катыни и «Нюрнберг» для Сталина в антироссийской политике Великобритании и США // Наука. Общество. Оборона — 2022. — Т. 10. — № 3 (32). — С. 19—19. (руск.)
- Корнилова О. В. Польские отрицатели Катыни и «Нюрнберг» для Сталина в антироссийской политике Великобритании и США // Наука. Общество. Оборона — 2022. — Т. 10. — № 3 (32). — С. 19—19. (руск.)
- Maciej Siekierski Wiktor Sukiennicki, 1901—1983 // Cambridge University Press & Assessment (англ.)
- Sukiennicki Wiktor // Internetowa encyklopedia PWN (польск.)