Вікіпедыя:Кандыдаты ў добрыя артыкулы

Навічкам · Супольнасць · Парталы · Узнагароды · Праекты · Запыты · Ацэньванне Да рэцэнзавання · У добрыя · У выдатныя · У выдатныя спісы

На гэтай старонцы адбываецца абранне добрых артыкулаў, якія па той ці іншай прычыне яшчэ не з’яўляюцца выдатнымі, але могуць быць прылічаны да адных з лепшых артыкулаў у беларускай Вікіпедыі.

Перад тым, як выставіць артыкул для абмеркавання на атрыманне статусу добрага, калі ласка, абавязкова азнаёмцеся з патрабаваннямі да артыкула і працэдурай вылучэння!

Добрыя артыкулы пазней могуць стаць выдатнымі, таксама ў ходзе абмеркавання добрага артыкула можа быць прынята рашэнне аб намінацыі артыкула ў выдатныя.

Абмеркаванне пазбаўлення статусу добрых адбываецца на гэтай старонцы.

Добрыя артыкулы павінны мець адносна высокі ўзровень якасці, але ў адрозненне ад выдатных артыкулаў усе патрабаванні да іх носяць больш мяккі характар. У дадатак да агульных правілаў, датычных артыкулаў Вікіпедыі, добрыя артыкулы павінны быць:

• Якасна састаўленымі і арыгінальнымі: напісанымі для Вікіпедыі, а не скапіраванымі аднекуль; мова і стыль напісання павінны быць на добрым узроўні і не ўтрымліваць відавочных памылак.
• Поўнымі: раскрываць тэму ў поўным аб’ёме, улічваць самыя значныя факты і меркаванні.
• Добра прапрацаванымі: адлюстроўваць старанны і рэпрэзентатыўны агляд асноўнай літаратуры па тэме, калі большасць самых значных сцвярджэнняў можа быць праверана ў якасных і надзейных крыніцах, утрымліваць спіс літаратуры і зноскі.
• Нейтральнымі: прадстаўляць меркаванні справядліва і непрадузята.
• Стабільнымі: калі змест артыкула не з’яўляецца тэмай спрэчак і ў ім не вядзецца вайны правак.
• З уводзінамі: утрымліваць мінімум 3—4 сказы ўводзін, якія коратка раскрываюць тэму артыкула.
• Структураванымі: мець добра структураваную іерархію раздзелаў.
• Мець выявы толькі з ясным ліцэнзійным статусам: павінны ўтрымліваць толькі свабодныя выявы і/ці абгрунтаваную, мінімальна неабходную колькасць Fair-use выяваў, якія адпавядаюць крытэрыям добрасумленнага выкарыстоўвання.
• Закончанымі: не ўтрымліваць яўна недапісаных раздзелаў.
• Мець катэгорыі і інтэрвікі.

Што можа быць недапрацаваным:

• Часткі вялікай тэмы могуць быць не цалкам раскрытыя, пры ўмове, што асноўная тэма артыкула раскрытая;
• Выявы могуць адсутнічаць ці прысутнічаць ў недастатковай колькасці;
• Могуць адсутнічаць спасылкі на вонкавыя крыніцы;
• Мова можа быць не да канца дасканалая.

Галасы пазначаюцца з дапамогай наступных значкоў:

 За — шаблон {{За}};

 Устрымліваюся — шаблон {{Устрымліваюся}};

 Супраць — шаблон {{Супраць}}.

Калі вы галасуеце « Устрымліваюся» ці « Супраць», калі ласка, патлумачце прычыну.

Кандыдаты

Калі ласка, дадавайце для кожнага артыкула асобную секцыю. Новыя артыкулы дадавайце зверху, каб не было блытаніны

Караімская мова

Прапаную артыкул на наданне статуса. З’яўляецца перакладам матэрыялу з англійскай і рускай вікі, дапоўнены асабістымі даследаваннямі, асабліва ў частцы гісторыі паходжання мовы, дыялекталогіі і лексікалогіі. Plaga med (размовы) 13:59, 10 лютага 2024 (+03)

Заўвагі

• Раздзел «Гісторыя», апошні абзац: «Згодна з літоўскай караімскай традыцыяй...». У крыніцы так дакладна напісана? Слова «традыцыя», здаецца, тут не вельмі пасуе. Можа, «паданні», ці яшчэ што? --Gruszecki (размовы) 16:44, 11 лютага 2024 (+03)

  Так, быў тут літаральны пераклад з англійскай. Выправіў. Plaga med (размовы) 16:56, 11 лютага 2024 (+03)

• "На ёй размаўляюць толькі некалькі дзясяткаў крымскіх караімаў", пры гэтым: "ёсць шанц захавання мовы ў Троках дзякуючы афіцыйнай падтрымцы і прывабнасці для турыстаў…" Няважна, з якіх раздзелаў перакладзена — я бачу тут яўна пярэчанне здароваму розуму. Пакуль і моўныя хібы бачу (тут прайдуся, мо) і іншае, накшталт вечнага "некаторыя навукоўцы"… Пакуль рана статус даваць, хоць і няблага. --Ryčard Humel (размовы) 21:20, 5 сакавіка 2024 (+03)

  Не, ну "Авраам Фірковіч" — настолькі нявычытаны артыкул прапаноўваць… Ryčard Humel (размовы) 21:29, 5 сакавіка 2024 (+03)

  Дзякуй за выпраўленні і заўвагі. Недзе мог няўдала сфармуляваць, бо было цяжкавата пасябраваць розныя пункты гледжання на дыялекты. Асабліва цяжка наконт крымскага дыялекта, бо няма нармальных даных, колькі на ім размаўляе людзей. Адныя даследчыкі кажуць, што дыялекта не існуе, у той жа час вялікая частка новай літаратуры па мове публікуецца ў Крыме і заснавана на «крымскім дыялекце». У той жа час нібыта кансэнсусным з’яўляецца тое, што культура і мова караімаў у Трокаў — найбольш адметныя, ну і моўныя дзеячы часта з Трокаў. Plaga med (размовы) 09:24, 6 сакавіка 2024 (+03)

  Тут проста яшчэ працаваць і працаваць трэба, ранавата пакуль для статуса. Напраўду наконт караімскае багата разбежнасцяў — нам трэба гэта ў артыкуле скампанаваць так, каб чыталася не супярэчліва. Ryčard Humel (размовы) 11:39, 6 сакавіка 2024 (+03)

Другая кангалезская вайна

Вынік

Колькасць галасоў для абрання дастатковыя, цягам намінацыі артыкул папраўлены з улікам выказаных заўваг. Артыкул атрымаў запытаны статус. --JerzyKundrat (размовы) 13:43, 17 красавіка 2024 (+03)

Беларускі партрэт XII―XVIII стагоддзяў

Вынік

Колькасць галасоў для абрання дастатковыя, цягам намінацыі артыкул папраўлены з улікам выказаных заўваг. Артыкул атрымаў запытаны статус. --JerzyKundrat (размовы) 09:52, 18 красавіка 2024 (+03)

Завершаныя абмеркаванні

• З завершанымі абмеркаваннямі можна азнаёміцца ў Архіве абмеркаванняў

Журнал абрання

• Вікіпедыя:Пералік добрых артыкулаў

Да пазбаўлення статусу

Пытанні аб пазбаўленні статусу добрых у выпадку неадпаведнасці крытэрыям абмяркоўваюцца на старонцы Да пазбаўлення статусу.

Гл. таксама

• Архіў абмеркаванняў
• Добрыя артыкулы
• Пералік добрых артыкулаў
• Тэхнічная працэдура абрання