Віталь Станіслававіч Жалудок
Віталь Жалудок (нар. 11 жніўня 1986, Мінск) — былы беларускі футбаліст, брамнік.
Поўнае імя | Віталь Станіслававіч Жалудок | ||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Нарадзіўся |
11 жніўня 1986[1] (37 гадоў) |
||||||||||||||||||||||||||||||
Грамадзянства | Беларусь | ||||||||||||||||||||||||||||||
Рост | 188 см | ||||||||||||||||||||||||||||||
Вага | 78 кг | ||||||||||||||||||||||||||||||
Пазіцыя | брамнік | ||||||||||||||||||||||||||||||
Клубная кар’ера[* 1] | |||||||||||||||||||||||||||||||
|
|||||||||||||||||||||||||||||||
|
Кар’ера правіць
Выхаванец мінскага «Тарпеда», дарослую кар’еру пачынаў у дублі «Дарыды». Пасля выступлення за «Асіповічы» і «Камунальнік» стаў іграком «Мінска», дзе быў рэзервовым брамнікам. У 2009 годзе на правах арэнды гуляў за рэчыцкі «Ведрыч-97» і быў прызнаны найлепшым іграком каманды ў сезоне.
Па заканчэнні сезону 2011 пакінуў «Мінск» у якасці свабоднага агента, і ў 2012 годзе папоўніў склад грэчаскага клуба «Платаніяс»[2], за які згуляў толькі ў двух матчах і прапусціў 9 галоў.
У студзені 2014 года на правах арэнды далучыўся да клуба трэцяга дывізіёна Грэцыі «ПАО Крусонас»[3]. Па выніках сезону дапамог камандзе захаваць месца ў лізе, хоць на момант прыходу брамніка яна знаходзілася на апошнім месцы[4].
У ліпені 2014 года вярнуўся ў Беларусь, падпісаўшы кантракт з клубам «Слуцк»[5]. У складзе «Слуцка» быў другім брамнікам і так не згуляў за асноўную каманду. У лютым 2015 года перайшоў у «Ліду»[6], дзе стаў асноўным брамнікам.
У пачатку 2016 года падпісаў кантракт з клубам «Ашмяны»[7]. Пачынаў сезон у якасці асноўнага брамніка, аднак улетку ў сувязі з абвінавачваннем ва ўдзеле ў дагаварных матчах пакінуў каманду. У кастрычніку 2017 года па выніках справы аб дагаварных матчах быў прысуджаны да штрафу ў 27,6 тысяч рублёў[8], а ў лютым 2018 года атрымаў ад Дысцыплінарнага камітэта АБФФ пажыццёвую дыскваліфікацыю[9]. Пасля зыходу з «Ашмян» стаў працаваць па-за футболам, гуляючы таксама на аматарскім узроўні[10].
Дасягненні правіць
- Пераможца Першай лігі чэмпіянату Беларусі: 2008
Статыстыка выступленняў правіць
Сезон | Дывізіён | Клуб | Краіна | Матчы | Галы |
---|---|---|---|---|---|
2004 | дубль | Дарыда | 14 | -17 | |
2005 | дубль | Дарыда | 21 | -22 | |
2006 | Д3 | Асіповічы | 17 | -16 | |
2007 | Д2 | Камунальнік | 4 | -8 | |
2008 | Д2 | Мінск | 1 | -0 | |
2009 | Д2 | Ведрыч-97 | 20 | -34 | |
2010 | дубль | Мінск | 16 | -26 | |
2012/13 | Д1 | Платаніяс | 2 | -9 | |
2013/14 (1) | Д1 | Платаніяс | 0 | 0 | |
2013/14 (2) | Д3 | ПАО Крусонас | 18 | -? | |
2011 | Д1 | Мінск | 2 | -2 | |
2014 (2) | дубль | Слуцк | 13 | -35 | |
2015 | Д2 | Ліда | 27 | -45 | |
2016 (1) | Д2 | Ашмяны | 9 | -21 |
Зноскі
- ↑ Vitali Zheludok // Transfermarkt — 2000. Праверана 9 кастрычніка 2017.
- ↑ «Греки думают, что президент Беларуси — Путин» (руск.)
- ↑ Виталий Желудок отдан в аренду в греческий клуб из третьего дивизиона (руск.)
- ↑ Виталий Желудок помог ПАО из Крусонаса не вылететь из третьей лиги Греции (руск.)
- ↑ «Слуцк» подписал Желудка (руск.)
- ↑ «Лида» заключила контракты с Виталием Желудком и Русланом Тулаем (руск.)
- ↑ Первая лига. Трансферы межсезонья. «Сморгонь» теряет (руск.)
- ↑ "Дело о договорных матчах". От 4 до 40 тысяч евро штрафа, до 3 лет ограничения свободы Архівавана 13 снежня 2021. (руск.)
- ↑ Футбол. БФФ пожизненно дисквалифицировала 12 фигурантов договорных матчей Архівавана 13 снежня 2021. (руск.)
- ↑ Дело о “договорняках”. “Друзья-однополчане”, где же вы теперь? Архівавана 13 снежня 2021. (руск.)