Вітольд Казіміравіч Песціс

Вітольд Казіміравіч Песціс (нар. 22 лютага 1949, в. Парэчча Гродзенскага раёна Гродзенскай вобласці) — беларускі вучоны, доктар сельскагаспадарчых навук. Прафесар (1998), член-карэспандэнт Нацыянальнай акадэміі навук Беларусі (2003), акадэмік НАН Беларусі (2021). Заслужаны работнік адукацыі Рэспублікі Беларусь. Ганаровы прафесар Міжнароднага Венскага ўніверсітэта. Намеснік старшыні Рэспубліканскага грамадскага аб’яднання «Белая Русь». Старшыня Гродзенскага абласнога грамадскага аб’яднання «Белая Русь».

Вітольд Казіміравіч Песціс
Дата нараджэння	22 лютага 1949(1949-02-22) (75 гадоў)
Месца нараджэння	Парэчча, Парэцкі сельсавет, Гродзенскі раён, Гродзенская вобласць, БССР, СССР
Грамадзянства	СССР  Беларусь
Дзеці	Людміла Вітольдаўна Гуцікава
Род дзейнасці	палітык, навуковец
Навуковая сфера	жывёлагадоўля
Месца працы	Гродзенскі дзяржаўны аграрны ўніверсітэт
Навуковая ступень	доктар сельскагаспадарчых навук
Навуковае званне	прафесар (1998) акадэмік НАН Беларусі (2021)
Альма-матар	Біятэхналагічны факультэт ГДАУ
Член у	Беларуская партыя «Белая Русь»
Узнагароды	ганаровая грамата Нацыянальнага сходу Рэспублікі Беларусь Ганаровай граматай Савета Міжпарламенцкай Асамблеі дзяржаў-удзельніц СНД[d] Ганаровая грамата Міністэрства сельскай гаспадаркі і харчавання Беларусі[d] ганаровая грамата Нацыянальнага сходу Рэспублікі Беларусь Ганаровая грамата Міністэрства адукацыі Рэспублікі Беларусь Ганаровая грамата Вышэйшай атэстацыйнай камісіі Рэспублікі Беларусь[d]

Біяграфія

Скончыў Гродзенскі сельскагаспадарчы інстытут, аспірантуру Беларускага навукова-даследчага інстытута жывёлагадоўлі,

Працоўную дзейнасць пачаў заатэхнікам-селекцыянерам Гродзенскай абласной станцыі па племянной рабоце ў свінагадоўлі. Пасля службы ў радах Савецкай Арміі працаваў галоўным заатэхнікам саўгаса «Скідзельскі», калгаса «Сцяг камунізму» Гродзенскага раёна. Закончыўшы аспірантуру Беларускага навукова-даследчага інстытута жывёлагадоўлі, быў малодшым навуковым супрацоўнікам аддзела кармлення гэтага інстытута, затым асістэнтам, дацэнтам, загадчыкам кафедры кармлення і фізіялогіі сельскагаспадарчай жывёлы, прарэктарам па навуковай рабоце, рэктарам Гродзенскага сельскагаспадарчага інстытута. Рэктар установы адукацыі «Гродзенскі дзяржаўны аграрны ўніверсітэт».

Выбіраўся членам Савета Рэспублікі Нацыянальнага сходу Рэспублікі Беларусь 2-га, 3-га і 4-га скліканняў.

Сям’я

• жонка Марыя Вацлаваўна Песціс (нар. 1954) — эканаміст, кандыдат эканамічных навук
  • дачка Людміла Вітольдаўна Гуцікава (нар. 1977) — урач-акушэр-гінеколаг, доктар медыцынскіх навук, прафесар

Навуковая дзейнасць

Аўтар больш як 600 навуковых і вучэбна-метадычных артыкулаў, 12 вучэбных дапаможнікаў, 7 манаграфій і 25 вынаходстваў, абароненых аўтарскімі пасведчаннямі і патэнтамі.

Узнагароды

Узнагароджаны ордэнам Пашаны (2016), чатырма юбілейнымі медалямі, Ганаровай граматай Нацыянальнага сходу Рэспублікі Беларусь, Ганаровай граматай Нацыянальнай акадэміі навук Беларусі, Ганаровай граматай Савета Міжпарламенцкай Асамблеі дзяржаў — удзельніц Садружнасці Незалежных Дзяржаў, Ганаровай граматай Вышэйшай атэстацыйнай камісіі Рэспублікі Беларусь, ганаровымі граматамі Міністэрства сельскай гаспадаркі і харчавання Рэспублікі Беларусь.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 330. — 10 000 экз. — ISBN 985-11-0035-8. — ISBN 985-11-0198-2 (т. 12).

Спасылкі

• Члены-карэспандэнты: Песціс Вітольд Казіміравіч // Сайт НАНБ
• Вітольд Казіміравіч Песціс у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Пестис Витольд Казимирович (руск.) // Сайт ГДАУ
• Пестис Витольд Казимирович (руск.) // Сайт Рэспубліканскай навукова-тэхнічнай бібліятэкі