Ганна Андрэеўна Сапега
Ганна Андрэеўна Сапега (1569—1595) — вялікалітоўская арыстакратка, заступніца праваслаўя ў Беларусі.
Ганна Андрэеўна Сапега | |
---|---|
| |
Нараджэнне | 1569 |
Смерць | 1596[1][2] |
Месца пахавання | |
Род | Вішнявецкія |
Бацька | Андрэй Іванавіч Вішнявецкі[d][2] |
Маці | Яўхімія з Вярбіцкіх[d] |
Муж | Мікалай Паўлавіч Сапега[1][2] |
Дзеці | Ян, Мікалай, Крыштаф, Фрыдэрык, Аляксандр, Габрыэль, Гальшка |
Веравызнанне | кальвінізм[1] |
Біяграфія правіць
Паходзіла з украінскага магнацкага роду Вішнявецкіх. Дачка князя Андрэя Вішнявецкага. Атрымала хатнюю адукацыю.
У 1581 годзе бацька выдаў яе за Мікалая Сапегу, ваяводу віцебскага. Вяселле адбылося ў Вішняўцы. Па пераездзе да беларускага маёнтка мужа займалася ў асноўным хатнімі справамі, выхаваннем дзяцей, падтрымлівала праваслаўе.
У 1584 годзе пасля смерці бацькі атрымала замак і мястэчка Мацееў ва Уладзімірскім і Хэлмскім паветах з фальваркам Відут, маёнтак Вузлаўцы ў Слонімскім павеце, маёнтак Васькаўцы ў Лідскім павеце, Касуце з сёламі Занароцкімі ў Ашмянскім павеце, а таксама маёнтак Сейны ў Гарадзенскім павеце. Рана памерла — у 1595 годзе. У яе гонар Сапега пабудаваў царкву св. Ганны ў Кодані (цяпер Бяльскі павет Люблінскага ваяводства, Польшча). Тут пахавана і сама Ганна.
Сям’я правіць
Муж — Мікалай Сапега (1545—1599).
Дзеці:
- Ян (?—1602);
- Мікалай (1581—1644), ваявода менскі і берасцейскі;
- Крыштаф (1590—1637), падчашы вялікі літоўскі;
- Фрыдэрык (?—1626), падкаморы ўладзімірскі;
- Аляксандр Казімір (?—1619), падстолі вялікі літоўскі;
- Габрыэль (?—1614);
- Гальшка.
Літаратура правіць
- Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.
- Wolff J. Kniaziowie Litewsko-Ruscy od końca czternastego wieku / J. Wolff. — Warszawa, 1895. — 698 s.
- ↑ а б в Urzędnicy Wielkiego Księstwa Litewskiego. Spisy, t. VIII, Ziemia brzeska i województwo brzeskie XIV‒XVIII wiek / пад рэд. А. Рахуба — Warszawa: 2020. — С. 200. — ISBN 978-83-65880-89-5
- ↑ а б в Гісторыя Сапегаў : жыццяпісы, маёнткі, фундацыі — Мн.: Віктар Хурсік, 2017. — С. 86. — 586 с. — ISBN 978-985-7025-75-6