Гваздзіковы алей

Гваздзіковы алей — эфірны алей, які вырабляюць з зялёнай масы і драўніны гваздзіковага дрэва праз паравую дыстыляцыю. Гваздзіковыя дрэвы растуць на астравах Ява, Занзібар, Мадагаскар, Шры-Ланцы, у Кітаі і іншых краінах.

Гваздзіковы алей

Хімічны склад

• Эўгенол — 79-92%

Фізічныя ўласцівасці

• Жаўтаватая празрыстая вадкасць.
• Шчыльнасць — 1040 кг/м³.
• Тэмпература кіпення — 250-260 С°.
• Смак — пякучы.
• Пах — рэзкі, з выяўленымі кветкавымі, крыху ванільнымі і садавінавымі нотамі.

Ужыванне

• Духмянае рэчыва ў парфумерыі. Пах гваздзіковага алею вельмі спецыфічны, таму ў парфумерыі алей ужываюць толькі разведзеным і ў камбінацыі з іншымі кампанентамі, такіх як ружа.
• Сыравіна вытворчасці эўгенолу
• Рэпелент (ад камароў)
• Традыцыйны сродак догляду ляза катаны

Літаратура

• Гваздзіковы алей // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).