Генадзь Аркадзевіч Космач
Генадзь Аркадзевіч Космач (1953 — 2016) — беларускі гісторык. Доктар гістарычных навук, прафесар.
| Генадзь Аркадзевіч Космач | |
|---|---|
| Дата нараджэння | 1953 |
| Месца нараджэння | |
| Дата смерці | 2016 |
| Грамадзянства | |
| Жонка | Алена Мікалаеўна Космач |
| Род дзейнасці | гісторык |
| Месца працы | |
| Навуковая ступень | доктар гістарычных навук |
| Альма-матар | |
Біяграфія правіць
Нарадзіўся 7 ліпеня 1953 года ў вёсцы Талуі Маладзечанскага раёна Мінскай вобласці[1] ў сялянскай сям’і Аркадзя Сцяпанавіча і Ніны Рыгораўны (у дзявоцтве Васюта) Космачаў. Брат гісторыка Веніяміна Космача (нар. 1959)[2].
У 1976 годзе скончыў гістарычны факультэт БДУ. З 1979 года працаваў на гістарычным факультэце БДПУ імя Максіма Танка.
У 1979 г. абараніў кандыдацкую дысертацыю па тэме «Барацьба Камуністычнай партыі Аўстрыі супраць рэакцыі і фашызму ў 1924—1929 гг.». У 1990 годзе абараніў доктарскую дысертацыю па тэме «Працоўны клас у палітыцы кіруючых буржуазных партый Германіі ў 1924—1929 гг.». З 1993 года — загадчык кафедры ўсеагульнай гісторыі[3]. У 1994 г. у сааўтарстве з жонкай выдаў кнігу «Трагедыя куміраў рэвалюцыі[4]» дзе былі апісаны палітычныя біяграфіі М. І. Бухарына, А. І. Рыкава і Л. Д. Троцкага. З 2004 года — загадчык кафедры новай і найноўшай гісторыі. З 2015 г. — прафесар кафедры ўсеагульнай гісторыі і методыкі выкладання гісторыі.
Навуковая дзейнасць правіць
Сфера навуковых інтарэсаў — найноўшая гісторыя Германіі, гісторыя міжнародных адносін, палітычная біяграфія В.Кубэ, гісторыя СССР 1930-х гг. і метадалогія гістарычнай навукі. Выкладаў метадалогію гісторыі і гісторыю ўсходніх цывілізацый[6]. Cааўтар падручнікаў і вучэбных дапаможнікаў па сусветнай гісторыі для вучняў 9, 10 і 11 класаў устаноў Рэспублікі Беларусь.
Сям'я правіць
Першы муж гісторыка Алены Космач (нар. 1958). Бацька гісторыка Паўла Космача (нар. 1984).
Зноскі
- ↑ Космач Геннадий Аркадьевич Архівавана 25 мая 2017. // Издательство Аверсэв
- ↑ Молодечненская газета - Доктар гістарычных навук прафесар Веньямін Космач: «Матэрыялы пра свае родныя Талуі я збіраў дваццаць пяць гадоў»(нявызн.)(недаступная спасылка). mgazeta.by. Архівавана з першакрыніцы 3 лютага 2024. Праверана 3 лютага 2024.
- ↑ Кафедра новой и новейшей истории Архівавана 21 студзеня 2019. // Abiturient.by
- ↑ Трагедия кумиров революции : Страницы политических биографий Н. И. Бухарина, А. И. Рыкова, Л. Д. Троцкого
- ↑ Михаил СТРЕЛЕЦ Геннадий Космач был гордостью нашей страны // Брестская газета
- ↑ Генадзь Космач якім я яго памятаю // Блог А. Берастоўскага
Літаратура правіць
- Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
Спасылкі правіць
- Спіс публікацый Г.А. Космача на Google Scholar
- Лекция «Геннадий Аркадьевич Космач и его роль в развитии исторической германистики» // Историческая мастерская
- Генадзь Космач якім я яго памятаю // Блог А. Берастоўскага