Генрых IV Распэ

Генрых IV Распэ
Генрых IV Распэ
	ням.: Heinrich IV Raspe
ландграф Цюрынгіі
	1241 — 16 лютага 1247
Папярэднік	Герман II
Пераемнік	Генрых III Найяснейшы
пфальцграф Саксоніі
	1241 — 16 лютага 1247
Папярэднік	Герман II
Пераемнік	Генрых III Найяснейшы
анты-кароль Германіі
	22 мая 1246 — 16 лютага 1247
Папярэднік	Конрад IV
Пераемнік	Конрад IV
Нараджэнне	1204
Смерць	16 лютага 1247; Замак Вартбург, Landgraviate of Thuringia[d], Свяшчэнная Рымская імперыя;
Месца пахавання	кляштар Святой Кацярыны[d];
Род	Людавінгі
Бацька	Герман I
Маці	Сафія Баварская
Жонка	1-я: Лізавета Брандэнбургская ; 2-я: Гертруда фон Бабенберг ; 3-я: Беатрыса Брабанцкая
Дзейнасць	рэгент
	Медыяфайлы на Вікісховішчы

Генрых IV Распэ (ням.: Heinrich IV Raspe; 1204 — 16 лютага 1247, замак Вартбург, каля Айзенаха, Цюрынгія) — ландграф цюрынгенскі з 1227 года, трэці сын Германа I і Сафіі Баварскай.

Біяграфія правіць

Пячатка Генрыха IV Распэ.

Пасля смерці ў 1227 годзе свайго старэйшага брата Людовіка IV Святога, Генрых выгнаў яго жонку Лізавету Венгерскую і сына Германа II з Вартбурга і захапіў Цюрынгенскае ландграфства з пфальцграфствам Саксоніяй.

Ён аказаў Багеміі дапамогу пры нашэсці манголаў; стаў апекуном Конрада, сына імператара Фрыдрыха II, але неўзабаве перайшоў на бок Папы, і партыя апошняга пасля пазбаўлення Фрыдрыха II кароны выбрала яго контрімператарам 22 мая 1246 года; у насмешку яго называлі папоўскім імператарам («каралём святароў»), таму што ў яго абранні бралі ўдзел пераважна духоўныя князі. Пры дапамозе папскіх грошай ён сабраў войска і разбіў Конрада 5 жніўня 1246 года ў бітве пры Франкфурце. Узімку 1247 года ён аблажыў Ульм і Ройтлінген. У сутыкненні пры Ройтлінгене Генрых быў паранены, затым нечакана згарнуў свае ваенныя дзеянні і сышоў у Вартбург, дзе захварэў і памёр 16 лютага 1247 года.

Быў пахаваны побач са сваімі бацькамі ў манастыры Св. Кацярыны каля Айзенаха.

Шлюб і дзеці правіць

Генрых быў жанаты тры разы:

1-я жонка: (з 1228 года) Лізавета Брандэнбургская (1206/1210 — 1231), дачка Альбрэхта II, маркграфа Брандэнбургскага;
2-я жонка: (з 1238 года) Гертруда фон Бабенберг (1210/1215 — 1241), дачка аўстрыйскага герцага Леапольда VI;
3-я жонка: (з 1241 года) Беатрыса Брабанцкая (1225—1288), дачка Генрыха II Брабанцкага.

Ні ў адным са шлюбаў ён не меў сыноў. З яго смерцю згасла дынастыя цюрынгенскіх ландграфаў, пасля чаго разгарэлася працяглая вайна за цюрынгскую спадчыну паміж сваякамі ландграфскага дому па жаночай лініі.

Спасылкі правіць

Генрих IV Распе // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.