Абуджа

Абуджа (англ.: Abuja, ёруба: Abùjá) — горад у Нігерыі, сталіца краіны.

Горад Абуджа англ.: Abuja Сцяг Краіна Нігерыя Статус Сталіца краіны Каардынаты 9°12′ пн. ш. 7°11′ у. д. Заснаваны 1828 Першая згадка 1700 Плошча 713 км² Вышыня цэнтра 360 м Насельніцтва ▲1 568 853 чал. (2015) Шчыльнасць 1,092 чал./км² Часавы пояс UTC+1 Афіцыйны сайт fct.gov.ng (англ.) Абуджа на карце Нігерыі

Медыяфайлы на Вікісховішчы

Насельніцтва горада 778,567 жыхароў (2006), насельніцтва агламерацыі — прыблізна 1,4 млн чалавек (2005).

Абуджа размешчана ў 800 км на поўнач ад ранейшай сталіцы. Рашэнне пра перанос сталіцы з Лагаса ў Абуджу прынята ў 1976 г. Пасля пятнаццаці гадоў планавання і рэканструкцыі гэта рашэнне было ажыццёўлена ў жыццё. Горад планавы, спраектаваны японскім архітэктарам Кэндзо Тангэ.

Абуджа знаходзіцца ў маляўнічай стэпавай даліне ў цэнтральнай частцы Нігерыі. Гэты раён адносна слаба развіты і этнічна нейтральны. Выбіраючы месца для новай сталіцы, улады імкнуліся стварыць горад, у якім не дамінавала б ніводная этнічная, сацыяльная ці рэлігійная група.

Гісторыя

Абуджа была заснавана ў 1828 годзе Абу Джа, братам і пераемнікам кіраўніка дзяржавы Зарыя хаўсанскай дынастыі. Першапачаткова гэта быў умацаваны лагер, з часам пераўтвораны ў горад, названы па імені заснавальніка. У 1975 годзе прынята рашэнне пра перанос у гэты горад сталіцы дзяржавы.

Адміністрацыйны падзел

Горад падзелены на шэсць раёнаў. У Цэнтральным размешчана рэзідэнцыя прэзідэнта.

Вядомыя асобы

• Лавец Аіла (нар. 1994) — нігерыйская футбалістка, нападаючы.

Спасылкі

• На Вікісховішчы ёсць медыяфайлы па тэме Абуджа
• Афіцыйны вэб-сайт Архівавана 9 мая 2006. (англ.)