Нарбона

Нарбона (фр.: Narbonne, акс.: Narbona) — старажытны горад у французскім дэпартаменце Од, знаходзіцца за 12 км ад Ліёнскага заліва, на адгалінаванні Паўднёвага канала, які злучае Міжземнае мора з Атлантычным акіянам. Насельніцтва горада складае 46510 жыхароў (1999).

Горад Нарбона фр.: Narbonne, акс.: Narbona Герб Сцяг Краіна Францыя Рэгіён Аксітанія Дэпартамент Од Каардынаты 43°11′08″ пн. ш. 03°00′15″ у. д. Ранейшыя назвы Нарбо Плошча 172,96 км² Вышыня цэнтра 285 ± 1 м Водныя аб’екты Од[d] Насельніцтва ▲56 395 чал. (1 студзеня 2021) Нацыянальны склад французы Часавы пояс UTC+1, летам UTC+2 Паштовыя індэксы 11100 Афіцыйны сайт narbonne.fr (фр.) Нарбона на карце Францыі

Медыяфайлы на Вікісховішчы

Гісторыя

Нарбона вырасла з паселішча Нарбо (па-лацінску: Narbo) — першай рымскай калоніі ў Галіі, заснаванай яшчэ ў 118 годзе да н.э. У той час горад стаяў на беразе Міжземнага мора і служыў важным марскім портам. У часы імперыі гэта быў таксама ваенны пункт і сталіца Паўднёвай, або Нарбонской Галіі. Пасля бітвы пры Нарбоне ў 436 годзе тут запанавалі вестготы. Адзін час Нарбона мела значэнне іх сталічнага граду. У 719—759 гадах Нарбона і навакольная вобласць (Септыманія) валодалі сарацыны.

У Сярэднявеччы паўднёвая частка Нарбоны кіравалася графамі Тулузы, а паўночная — мясцовымі епіскапамі. Затым да XVI стагоддзя Нарбона складала самастойнае графства.

Славутасці

Сабор Святога Жуста, закладзены ў 1272 годзе, так і не быў дабудаваны. Ён знакаміты незвычайна высокімі хорамі і ў цэлым варты ўзоры гатычных храмаў поўначы Францыі. Базіліка святых Паўла і Сергія — адзін з першых на поўдні Францыі прыкладаў готыкі. Палац архіепіскапаў быў перабудаваны ў XIX стагоддзі; ад яго сярэднявечнага папярэдніка захавалася некалькі магутных вежаў. У цяперашні час у палацы размешчаны краязнаўчы музей.

Выхадцы

• Святы Тэадард (пам. 893) — архібіскуп Нарбоны
• Гіраўт Рык’е (каля 1230 — каля 1295) — апошні трубадур
• Шарль Трэнэ (1913—2001) — папулярны спявак і кампазітар

Спасылкі

• На Вікісховішчы ёсць медыяфайлы па тэме Нарбона
• Афіцыйны сайт горада
• Нарбона ў Брытанскай энцыклапедыі