Пачынак

Пачынак
Краіна	Расія
Рэгіён	Смаленская вобласць
Каардынаты	54°24′ пн. ш. 32°27′ у. д.HGЯO
Першая згадка	1868
Горад з	1926
Плошча	7 км²
Вышыня цэнтра	205 м
Насельніцтва	▼ 8 975 чалавек (2010)
Часавы пояс	UTC+3
Тэлефонны код	48149
Паштовыя індэксы	216450
Аўтамабільны код	67

Пачынак (руск.: Починок) — горад (з 1926 года) у Расіі, адміністрацыйны цэнтр Пачынкаўскага раёна Смаленскай вобласці. Насельніцтва 9,18 тыс. чалавек (2007). Заснаваны ў 1868 годзе.

Горад размешчаны на правым беразе ракі Хмара (басейн Дняпра), за 62 км ад Смаленска. Лёгкая і харчовая прамысловасць, вытворчасць будматэрыялаў.

Гісторыя правіць

Упершыню згадваецца ў 1811 годзе як невялікая вёска. У 1868 годзе адкрыты пастаянны рух па чыгунцы Віцебск — Рослаўль, на якой пабудавана станцыя «Пачынак». Неўзабаве пасёлак стаў транзітна-перавалачным пунктам аптовага гандлю хлебам, пянькой, лесам, ільном. У 1876 злучаны тэлеграфам з Ельняй. Галоўную вуліцу актыўна забудоўвалі мясцовыя купцы.

Савецкая ўлада ў горадзе ўсталявана ў канцы кастрычніка — пачатку лістапада 1917 года. У сакавіку 1918 года ў горадзе ўспыхнуў мяцеж, падаўлены атрадам РСЧА, які прыбыў са Смаленска. Валасны цэнтр Ельнінскага павета, 1 студзеня 1919 года згодна з пастановай І з’езда КП(б) Беларусі ён увайшоў у склад Беларускай ССР, аднак 16 студзеня горад разам з іншымі тэрыторыямі Смаленскай губерні быў перададзены ў склад РСФСР. У 1924 годзе, нягледзячы на перавагу беларускага насельніцтва, Пачынак не вярнулі БССР^[2].

З 1926 горад, раённы цэнтр Рослаўскай акругі Заходняй вобласці (з 1929), Смаленскай вобласці (з 1937).

З 17 ліпеня 1941 па 23 жніўня 1943 года акупаваны германскімі войскамі, у горадзе дзейнічала падполле.

Славутасці правіць

Дом купца С. Эпштэйна (кан. XIX — пач. XX ст.), першы двухпавярховы будынак Пачынка.
Брацкая магіла падпольшчыкаў і Курган памяці.
Парк імя Героя Савецкага Саюза лётчыка М. Гастэла і памятны знак у яго гонар.
Царква Дабравешчання Прасвятой Багародзіцы (1990-99).

Вядомыя асобы правіць

Ірына Аляксандраўна Масляніцына (нар. 1965), беларуская пісьменніца, журналіст.

Зноскі

↑ http://web.archive.org/web/20090828062338/http://www.gks.ru/wps/PA_1_0_S5/Documents/jsp/Detail_default.jsp?category=1112178611292&elementId=1140096199984 - Колькасць насельніцтва Расійскай Федэрацыі па гарадах, пасёлках гарадскога тыпу і раёнах на 1 студзеня 2010 года (руск.)
↑ Трусаў А. Як мяняліся нашы межы ў ХХ ст. // «Наша Слова», № 32 (820), 22 жніўня 2007 г.

Спасылкі правіць

На Вікісховішчы пакуль няма медыяфайлаў па тэме, але Вы можаце загрузіць іх

[1] ttp://web.archive.org/web/20090828062338/http://www.gks.ru/wps/PA_1_0_S5/Documents/jsp/Detail_default.jsp?category=1112178611292&elementId=1140096199984 - Колькасць насельніцтва Расійскай Федэрацыі па гарадах, пасёлках гарадскога тыпу і раёнах на 1 студзеня 2010 года (руск.)

[2] Трусаў А. Як мяняліся нашы межы ў ХХ ст. // «Наша Слова», № 32 (820), 22 жніўня 2007 г.

[1]

[2]