Сіена

Сіе́на (італ.: Siena) — горад у Італіі, у рэгіёне Таскана, адміністрацыйны цэнтр аднаіменнай правінцыі.

Горад Сіена Siena Герб Сцяг Краіна Італія Каардынаты 43°20′ пн. ш. 11°20′ у. д. Плошча 118 км² Вышыня цэнтра 322 м Насельніцтва 54 498 чалавек (2005) Шчыльнасць 447 чал./км² Часавы пояс UTC+1, летам UTC+2 Тэлефонны код 0577 Паштовы індэкс 53100, 53010 Аўтамабільны код SI Афіцыйны сайт comune.siena.it (італ.) Сіена на карце Італіі

Медыяфайлы на Вікісховішчы

Гісторыя

Першыя пісьмовыя крыніцы аб горадзе адносяцца ад 70 г. У XIII—XVI ст. склалася Сіенская школа жывапісу.

Культура

У найноўшы час асноўнае будаўніцтва вялося ў Сіене за межамі сярэднявечных сцен горада. Дзякуючы гэтаму ў Сіене лепш, чым у іншых буйных цэнтрах Тасканы, захаваўся сярэднявечны горад з вузкімі вулачкамі, забудаванымі старадаўнімі палацца. Цэнтрам жыцця Сіенскай рэспублікі служыла шырокая П'яца дэль Кампа — плошча ў форме ракавіны. Двойчы ў год на плошчы разыгрываецца маляўнічае сярэднявечнае прадстаўленне — Паліа.

На плошчу выходзіць выбудаваная ў 1297—1310 гг. ратуша (Palazzo Pubblico) з фрэскамі Амброджа Ларэнцэці і «Маэстай» Сімонэ Марціні. Да ратушы прылягае сімвал магутнасці і незалежнасці сярэднявечнай Сіены — грацыёзная 102-метровая вежа (Торэ-дэль-Манджа), збудаваная ў 1338-48 гг. З процілеглага боку плошчы можна бачыць Фантан Радасці (Fonte Gaia), які спраектаваў у 1419 г. Якопа дэла Кверча.

Сіенскі сабор (Дуома) — агульнапрызнаны эталон італьянскай готыкі; у крыпце — баптыстэрый са скульптурнымі працамі дэла Кверча, Данатэла і Ларэнца Гіберці. Да сабора прылягае заснаваная ў 1495 г. будучым Папам Піем III бібліятэка Пікаламіні з фрэскамі Пінтурык'ё. «Маэста» Дуча перанесена ў дзеючы пры саборы музей.

• 
  Панарама старой Сьены ад царквы св. Клімента
• 
  Сіенскі Дуома
• 
  П'яца дэль Кампа ў начным асвятленні
• 
  Ратуша. Вежа Torre del Mangia

Гарады-пабрацімы

• Авіньён, Францыя
•  Веймар, Германія (з 1994 года)
• Вецлар, Германія
• Дура, Палесціна

Літаратура

• Сіена // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 371. — 10 000 экз. — ISBN 985-11-0035-8. — ISBN 985-11-0238-5 (т. 14).