Эвара

Эвара
Герб	Сцяг
Краіна	Партугалія
Каардынаты	38°34′21″ пн. ш. 7°54′26″ з. д.HGЯO
Заснаваны	1166
Горад з	1166
Плошча	1307,04 км²
Вышыня цэнтра	295 м
Афіцыйная мова	партугальская
Насельніцтва	57073 чалавекі (2011)
Часавы пояс	UTC+0, летам UTC+1
Тэлефонны код	266
Паштовыя індэксы	7000-000/7005-000
Афіцыйны сайт	cm-evora.pt (парт.)
святы заступнік	апостал Пётр
Гарадское свята	Дзень Святога Пятра, 29 чэрвеня
	Медыяфайлы на Вікісховішчы

Э́вара (парт.: Évora) — горад у Партугаліі, які мае славу горада-музея. Насельніцтва - 57073 чал. (2011 г.)

Гісторыя правіць

Эвара ў 1501 г.

Эвара была заснавана кельтыберамі. У перакладзе з іх старажытнай мовы назва горада азначае "Цісы".

У 57 г. да н. э. горад быў захоплены рымлянамі.

У 584 г. далучаны да каралеўства вестготаў.

У 715 г. заваяваны арабамі.

У 1166 г. далучаны да Партугаліі. Тады ж атрымаў гарадскія правы.

Перыяд кан. XIV - XVI стст. стаў росквітам Эвары. Фактычна яна стала другой сталіцай Партугаліі, дзе мелі рэзідэнцыі амаль усе каралі Авіскай дынастыі і вяльможы. У горадзе некаторы час жыў Васка да Гама. Тут нарадзіўся Педра Фернандэс дэ Кірас. Пра дабрабыт карэнных жыхароў Эвары кажа той факт, што ў XVI ст. значную частку мясцовага насельніцтва складалі чарнаскурыя афрыканскія рабы.

У 1559 г. езуітамі быў заснаваны калегіум, які пазней атрымаў статус універсітэта (Эварскі ўніверсітэт). Пасля выгнання езуітаў з Партугаліі ў 1759 г. універсітэт быў зачынены, і Эвара прыйшоў у заняпад. Зноў ён адрадзіўся толькі ў 1973 г.

У 1986 г. гістарычны цэнтр Эвары быў унесены ў спіс сусветнай спадчыны ЮНЕСКА.

Славутыя мясціны правіць

Цэнтральная частка Эвары, пабудаваная пераважна ў XIV - XVI ст., унесена ў спіс сусветнай спадчыны ЮНЕСКА. Яна ўключае 4000 будынкаў, размешчаных на плошчы 1,05 км². Найбольш цікавыя з іх:

Рымскі храм Дыяны (I ст. н. э.) знаходзіцца на галоўнай плошчы складаецца з малога пастамента з 12 гранітнымі калонамі і мармуровым фрызам

Xрам Дыяны

Кафедральны сабор ў раманскім стылі, пачаў будавацца ў 1186 г. Аднак галоўная частка працы над ім вялася паміж 1280 і 1340 гг.

Кафедральны сабор

Касцёл Святога Францыска к поўдню ад плошчы Praça do Giraldo знакаміты капліцай Душ-Осуш, муры і калоны якой аздоблены косткамі больш за 5000 мясцовых манахаў. На дзвярах надпіс: "Нашы косткі чакаюць вашых". Адразу за касцёлам пачынаецца прыгожы парк.

Портык касцёла Святога Францыска
У капліцы Душ-Осуш

Старыя будынкі ўніверсітэта Эвары (XVII - XVIII стст).

Унутраны ўніверсітэцкі двор

Былы кляштар Лоюш. Большая частка ператворана ў раскошную гасцініцу. Захаваўся толькі касцёл Святога Яна Евангеліста
Палацы Мануэля, Васка да Гама, герцагаў Кадавал і графаў Баста

У непасрэднай блізкасці ад Эвары знаходзяцца: