Горад мастацтваў і навук
Горад мастацтваў і навук (катал.: Ciutat de les Arts i les Ciencies, ісп.: Ciudad de las Artes y las Ciencias) — архітэктурны комплекс на асушаным дне ракі Турыя ў Валенсіі (Іспанія).
Дызайн належыць валенсіянскаму архітэктару Сант’яга Калатрава, будаўніцтва пачалося ў 1996 годзе. Комплекс з'яўляецца адным з выдатных узораў сучаснай архітэктуры.
«Горад» складаецца з пяці будынкаў, якія звычайна завуцца па іх каталанскіх назвах:
- El Palau de les Arts Reina Sofia — Оперны тэатр і сцэна для іншых тэатральных пастановак
- L'Hemisferic — Кінатэатр Imax, планетарый, тэатр лазерных пастановак
- L'Umbracle — Галерэя / сад
- El Museu de les Ciencies Principe Felipe — Навуковы музей
- L'Oceanografic — Акіянаграфічны парк на адкрытым паветры
Комплекс акружаны паркамі, ручаямі і басейнамі, гэтая тэрыторыя — папулярнае месца адпачынку жыхароў і гасцей горада, працуюць бары і кафэ.