Гінея

Гінея (англ.: guinea) — англійская, затым брытанская залатая манета.

Гінея эпохі караля Георга II

Упершыню выраблена ў 1663 годзе з золата, прывезенага з Гвінеі (адсюль назва). Пракламацыя караля Карла II (кіраваў у 1660—1685 гадах) 27 сакавіка 1663 года надала манеце статус асноўнай залатой манеты каралеўства. У 1717 годзе адпавядала 21 шылінгу, у 1817 годзе заменена залатым саверэнам. Да 1971 года ў Вялікабрытаніі мела назву гінея сума ў 21 шылінг, ужывалася таксама ў якасці разліковай адзінкі.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).