Дайна

Да́йна — літоўская i латышская народная песня. Літоўскія дайны — накшталт беларускіх лірычных песень розных жанраў каляндарна-абрадавага i сямейна-абрадавага цыклаў. Латышскія дайны нагадваюць нашы прыпеўкі: чатырохскладовікі, напісаныя з цэзурай пасярэдзіне. Фалькларыст Крыш’яніс Баран у свой час запісаў амаль 218 тысяч латышскіх дайнаў i выдаў іх у шасці тамах (1894—1915). Асобныя з іх у перакладзе П. Масальскага на беларускую мову ўвайшлі ў зборнік «Дайны» (1987).

Шафа дайн з тэкстамі амаль 230 000 латышскіх дайн, Латвійская нацыянальная бібліятэка

Літаратура

• Рагойша В. П. Паэтычны слоўнік. — 3-е выд., дапрац. і дапоўн.. — Мінск: Беларуская навука, 2004. — 576 с. — 2 000 экз. — ISBN 985-08-0598-6.
• Рагойша В. П. Тэорыя літаратуры ў тэрмінах. — Мінск: Беларуская энцыклапедыя, 2001. — 384 с. — 1 000 экз. — ISBN 985-11-0197-4.