Джордж Бідэль Эйры
Сэр Джордж Бідэль Эйры (англ.: Sir George Biddell Airy; 27 ліпеня 1801, Алнік, Нартумберленд — 2 студзеня 1892) — англійскі матэматык і астраном.
Біяграфія правіць
Скончыў Кембрыджскі ўніверсітэт (1823) і да 1835 гады працаваў там жа, з 1826 года — прафесар матэматыкі, з 1828 года — прафесар астраноміі і дырэктар Кембрыджскай абсерваторыі.
У 1835—1881 гг. дырэктар Грынвіцкай абсерваторыі і Каралеўскі астраном.
У 1836 г. абраны членам Лонданскага каралеўскага таварыства, яго прэзідэнт у 1871—1873 гадах. Чатыры разы абіраўся прэзідэнтам Каралеўскага астранамічнага таварыства (у 1835—1837, 1849—1851, 1853—1855, 1863—1864).
Асноўныя працы ў галіне нябеснай механікі, практычнай астраноміі і оптыкі.
Выявіў з'яву астыгматызму чалавечага вока і распрацаваў цыліндра-канічныя лінзы для выпраўлення гэтага дэфекту зроку. У 1834 годзе ўпершыню распрацаваў тэорыю дыфракцыі святла ў аб'ектывах тэлескопаў. «Дыскам Эйры» называюць светлае кола ў цэнтры дыфракцыйнай карціны выявы зоркі. У 1836 годзе прапанаваў сучасную тэорыю вясёлкі.
Зноскі
- ↑ а б MacTutor History of Mathematics archive — 1994. Праверана 22 жніўня 2017.
- ↑ George Biddell Airy — 2009.
- ↑ George Biddell Airy // Structurae — Ratingen: 1998. Праверана 9 кастрычніка 2017.
- ↑ а б FamilySearch Family Tree — 2009. Праверана 16 студзеня 2022.
- ↑ FamilySearch Family Tree — 2009. Праверана 19 студзеня 2022.