Жак Бабінэ

Жак Бабінэ (фр.: Jacques Babinet; 15 вантаза II (5 сакавіка 1794), Люзіньян — 21 кастрычніка 1872, Парыж) — французскі фізік, матэматык і астраном, найбольш вядомы сваім укладам у оптыку.

Жак Бабінэ
фр.: Jacques Babinet
Дата нараджэння	5 сакавіка 1794(1794-03-05)[…]
Месца нараджэння	Lusignan[d], дэпартамент В’ена, рэгіён Пуату — Шаранта, Францыя
Дата смерці	21 кастрычніка 1872(1872-10-21)[…] (78 гадоў)
Месца смерці	Парыж, дэпартамент Сена, Францыя
Грамадзянства	Францыя
Род дзейнасці	фізік, астраном, матэматык, метэаролаг
Навуковая сфера	матэматыка
Месца працы	Калеж дэ Франс Парыжскі ўніверсітэт
Альма-матар	Політэхнічная школа[d] École d'application de l'artillerie et du génie[d]
Член у	Парыжскае філаматычнае таварыства[d] Французская акадэмія навук Q30738521?
Медыяфайлы на Вікісховішчы

Біяграфія

Наведваў Напалеонаўскі ліцэй, і з 1811 года Політэхнічную школу, якую пакінуў у 1813 годзе, каб паступіць у Артылерыйскае вучылішча ў Мецы. З вучылішча выпушчаны артылерыйскім афіцэрам, але ў 1814 годзе назаўжды кінуў ваенную службу і неўзабаве зрабіўся прафесарам матэматыкі ў Фантэнэ-ле-Конт, затым прафесарам фізікі ў Пуацье і нарэшце, у Парыжскай калегіі св. Людовіка. У 1840 годзе быў абраны ў члены Акадэміі навук; адзін час займаўся таксама ў Астранамічным бюро геаграфічных даўгот.

Памёр у Парыжы 21 кастрычніка 1872 года.

Ён шмат зрабіў для ўдасканалення мінералагічнай і метэаралагічнай навукі і набыў вядомасць работамі ў галіне астраноміі, вучэнні аб магнетызме і тэорыі цеплыні. Вынікі яго даследаванняў і назіранняў рассеяны ў розных пачасовых выданнях і навуковых зборніках. Вялікая частка яго прац змешчана ў Compte rendu Акад. навук. Артыкулы Б., змешчаныя ў «Revue de deux Mondes», і «Journal des Débats», былі сабраны ў «Études et lectures sur les sciences d’observation» (8 т., Парыж, 1855-68 гг.). Варта таксама згадаць пра яго «Traité élémentaire de la géometrie descriptive» (Парыж, 1851).